સિંઘમ 3 આવી રહી છે, બોક્સ ઓફિસ પર અજય દેવગન સાથે કરશે મોટો ધડાકો

સિંઘમના ચાહકો લાંબા સમયથી તેના ત્રીજા પાર્ટની રાહ જોઈ રહ્યા છે. હવે રોહિત શેટ્ટીએ આ વાતને લીલી ઝંડી આપતા  પુષ્ટિ કરી છે કે સિંધમ-3 ફિલ્મની તૈયારીઓ શરૂ થઈ ગઈ છે. રોહિત શેટ્ટીની ફિલ્મોના ફેન્સ માટે સારા સમાચાર છે. સિંઘમ 3ની જાહેરાત કરવામાં આવી છે. રોહિત શેટ્ટી હાલમાં કેપટાઉનમાં ખતરોં કે ખિલાડી 12નું શૂટિંગ કરી રહ્યો છે. ત્યાં તેણે મીડિયાને જણાવ્યું કે સિંઘમના ત્રીજા હપ્તાની તૈયારીઓ શરૂ થઈ ગઈ છે. રોહિતેએ પણ જણાવ્યું કે ફિલ્મનું શૂટિંગ આવતા વર્ષે એપ્રિલથી શરૂ થશે. તેણે અજય દેવગણ સાથે ફિલ્મમાં કામ કરવાની વાત પણ કરી હતી. આ ફિલ્મનો પહેલો ભાગ 2011માં આવ્યો હતો, જેને લોકોએ ખૂબ પસંદ કર્યો હતો. તેની સિક્વલ 2014માં આવી હતી, હવે ચાહકો લાંબા સમયથી ત્રીજા ભાગની રાહ જોઈ રહ્યા હતા. 

અજય દેવગણ અને રોહિત શેટ્ટીના કોપ યુનિવર્સટીના ચાહકો માટે આ આનંદના સમાચાર છે. મેકર્સે તેમને ધમાકેદાર એન્ટરટેઈનમેન્ટ આપવાની તૈયારી શરૂ કરી દીધી છે. રોહિત શેટ્ટીએ જણાવ્યું કે સિંઘમ 3 પાઇપલાઇનમાં છે અને આવતા વર્ષે તેના પર કામ શરૂ થશે.મીડિયા અહેવાલ મુજબ, રોહિત શેટ્ટીએ કહ્યું, હું સિંઘમના આગામી ચેપ્ટર પર ધ્યાન કેન્દ્રિત કરી રહ્યો છું. સર્કસ રિલીઝ થયા બાદ અમે એપ્રિલમાં ફિલ્મનું શૂટિંગ શરૂ કરીશું. સિંઘમ-3 ટેક્નિકલી રીતે સિમ્બા અને સૂર્યવંશીનો એક ભાગ છે પરંતુ અજય અને રોહિત લાંબા સમય બાદ ફરી એકવાર સાથે કામ કરી રહ્યા છે.

રોહિતની છેલ્લી હિટ ફિલ્મ સિંઘમ 2014 માં આવી હતી અને તે આજે પણ સેટેલાઇટ પર ખૂબ જ પ્રિય ફિલ્મ ગણાય છે. હવે ફરી એકવાર આ જોડી આવશે. રોહિતે કહ્યું કે હું અજય સાથે કંઈક મોટું કરવા માંગુ છું. રોહિતે એ પણ ખુલાસો કર્યો કે તે મોટા પ્રોડક્શન્સમાંની એક ફિલ્મ હશે .હાલમાં ઘણું બધું ઓવરલેપ થઈ ગયું છે. અમે ટૂંક સમયમાં સર્કસ રિલીઝ કરીશું. સાથે જ હું હાલમાં ખતરોં કે ખિલાડીનું શૂટિંગ કરી રહ્યો છું.