શત્રુઘ્ન સિન્હાના પુત્ર લવે ફિલ્મ ઈન્ડસ્ટ્રી પર સાધ્યું નિશાન, કહ્યું- હિન્દી બોલનારા...

બોલિવૂડ (Bollywood)ના દિગ્ગજ અભિનેતા શત્રુઘ્ન સિન્હા (Shatrughan Sinha)નો પુત્ર લવ સિન્હા (Love Sinha) આ દિવસોમાં ચર્ચામાં છે. તેનું કારણ તેનું તાજેતરનું ટ્વીટ છે. લવ સિન્હા પોતાના તાજેતરના ટ્વીટમાં હિન્દી ફિલ્મ ઈન્ડસ્ટ્રી પર સવાલ ઉઠાવતા જોવા મળે છે. તે કહે છે કે અહીં એવા કલાકારોને પણ તક મળે છે, જેઓ એક્ટિંગ નથી જાણતા. લવ સિન્હાનું આ  ટ્વિટ સોશિયલ મીડિયા પર ખૂબ વાયરલ થઈ રહ્યું છે.

તમને જણાવી દઈએ કે લવ સિંહાએ પોતાના ઓફિશિયલ ટ્વિટર એકાઉન્ટ પરથી એક ટ્વિટ કર્યું છે. આમાં તેણે લખ્યું હતું કે, 'હું અન્ય ફિલ્મ ઈન્ડસ્ટ્રી વિશે કહી શકું તેમ નથી, પરંતુ હિન્દી ફિલ્મ ઈન્ડસ્ટ્રીમાં કેટલાક એવા કલાકારોને તકો આપવામાં આવે છે જેઓ એટલા જ પ્લાસ્ટિક છે જેટલી તે સર્જરી કરાવતાં હોય છે. આ લોકો હિન્દી બોલી શકતા નથી, સારો અભિનય નથી કરી શકતા, પરંતુ તેમ છતાં તેઓ પ્રતિભાશાળી ફિલ્મ નિર્માતાઓના મોટા પ્રોજેક્ટ્સમાં કામ કરે છે.

લવના આ ટ્વીટ પર યુઝર્સનો મિશ્ર પ્રતિસાદ મળી રહ્યો છે. કેટલાક યુઝર્સ તેના ટ્વીટ સાથે સહમત થતા જોવા મળે છે, તો કેટલાક તેના વિરુદ્ધ જોવા મળે છે.  કેટલાક યુઝર્સ તેમને આવા કલાકારોના નામ લખવાનું કહેતા જોવા મળે છે. એક યુઝરે લખ્યું, 'આના માટે મહેનત કરવી પડશે દીકરા!' જ્યારે અન્ય એક યુઝરે લખ્યું, 'મને આશા છે કે 2023માં અમારા જેવા નવા કલાકારોને કામ કરવાની તક મળશે, જેઓ ભાષા સારી રીતે જાણે છે અને સમજે છે અને હિન્દી સિનેમામાં પ્રવેશવાની પ્રતિભા પણ ધરાવે છે.'

જણાવી દઈએ કે લવ સિન્હાનું ફિલ્મી કરિયર બહુ સારું રહ્યું નથી. તેણે જેપી દત્તાની ફિલ્મ 'પલટન'થી બોલિવૂડમાં એન્ટ્રી કરી હતી. 'પલટન' સિવાય તે કોઈ ફિલ્મમાં જોવા મળ્યો નહોતો. એવું માનવામાં આવે છે કે તે સની દેઓલની ફિલ્મ 'ગદર 2'માં જોવા મળી શકે છે. લવ સિન્હા ફિલ્મો ઉપરાંત સામાજિક અને રાજકીય મુદ્દાઓ પર ટ્વિટ કરવા માટે પણ જાણીતા છે. તેમણે બિહારમાં 2020ની વિધાનસભા ચૂંટણીમાં ભાગ લીધો હતો. પરંતુ તેનો પરાજય થયો હતો.

આ પણ વાંચો--કિયારા અને સિદ્ધાર્થના લગ્નનું લોકેશન ફાઈનલ ! લગ્નની તારીખને લઈને મોટી માહિતી આવી સામે