સલમાનના જન્મદિવસની પાર્ટીમાં પહોંચી તેની એક્સ ગર્લફ્રેન્ડ સંગીતા બિજલાની, ભાઈજાને કિસ કરીને કર્યું સ્વાગત, Video

સંગીતા બિજલાની 62 વર્ષની છે. પરંતુ તેનો ગ્લેમરસ લુક અને સ્ટાઈલ જોઈને તેની ઉંમરનો અંદાજ લગાવવો ઘણો મુશ્કેલ છે. તેની આ ગ્લેમરસ સ્ટાઈલથી પાર્ટીની ચમક પણ વધી ગઈ હતી. જણાવી દઈએ કે, સલમાન ખાન અને સંગીતા બિજલાની લાંબા સમય સુધી એકબીજાને ડેટ કરી ચુક્યા છે અને મીડિયા અનુસાર, સલમાન અને સંગીતાના લગ્નના કાર્ડ પણ છપાયા હતા, પરંતુ કમનસીબે બંને લગ્ન કરી શક્યા ન હોતા. વળી, સલમાન ખાનથી અલગ થયા પછી, સંગીતાએ વર્ષ 1996 માં ટીમ ઈન્ડિયાના પૂર્વ કેપ્ટન મોહમ્મદ અઝહરુદ્દીન સાથે લગ્ન કર્યા અને વર્ષ 2010 માં તેના પતિથી છૂટાછેડા લીધા. સંગીતાના આજે છૂટાછેડા થઈ ગયા છે અને સલમાને હજુ લગ્ન કર્યા નથી.

સંગીતા બિજલાની અને સલમાન ખાન એક સમયે તેમના સંબંધોને લઈને ચર્ચામાં રહેતા હતા. બંને લગભગ 10 વર્ષ સુધી એકબીજાને ડેટ કરે છે. પરંતુ લગ્ન પહેલા જ આ સંબંધ તૂટી ગયો હતો. સલમાનની પાર્ટીની વાત કરીએ તો સંગીતા બિજલાનીએ ચમકદાર ડ્રેસ પહેર્યો હતો, જેમાં તે ખૂબ જ સુંદર લાગી રહી હતી. સલમાન ખાનના અને સંગીતાના પ્રેમ પ્રકરણ વિશે ઘણી વખત ચર્ચાઓ થઇ ચુકી છે. પરંતુ હાલમાં આ વીડિયો સામે આવ્યા બાદ એકવાર ફરી આ બન્નેની જોડી વિશે ચર્ચાઓનું બજાર ગરમ થઇ ગયું છે. આ વીડિયોમાં તમે જોઈ શકો છો કે સલમાન બ્લેક જીન્સ અને સ્વેટર પહેરેલો જોવા મળે છે અને તે ખૂબ જ સ્માર્ટ દેખાય છે. સંગીતા એ બ્લુ શિમર ડ્રેસમાં ખૂબ જ સુંદર લાગી રહી છે. ક્લિપમાં, સલમાન પહેલા સંગીતા બિજલાનીને ગળે લગાવે છે અને પછી તેના કપાળને પકડીને ચુંબન કરે છે.