ડેન્ગ્યુની ઝપટમાં આવ્યા સલમાન ખાન, શું બિગ બોસ 16 નહીં કરી શકે હોસ્ટ? જાણો પૂરી વિગત
બિગ બોસ 16 (Bigg Boss 16)નું ત્રીજું અઠવાડિયું પણ પૂરું થયું. પરંતુ આ વખતે શોના હોસ્ટ સલમાન ખાન શુક્રવાર કા વારમાં જોવા મળ્યા ન હોતા, જેના કારણે ચાહકોના મનમાં ઘણા પ્રશ્નો ઉભા થઈ રહ્યા છે. સલમાનની હોસ્ટિંગ સ્ટાઈલના લોકો દિવાના છે, તેથી જો તે એક અઠવાડિયા સુધી પણ જોવા ન મળે તો બધા તેને મિસ કરે છે. પરંતુ સવાલ છે કે, એવું તે શું થયું કે સલમાન ખાન આ વખતના શુક્રવાર કા વારમાં જોવા મળ્યા નથી. સલમાન ખાનનà«
07:29 AM Oct 22, 2022 IST
|
Vipul Pandya
બિગ બોસ 16 (Bigg Boss 16)નું ત્રીજું અઠવાડિયું પણ પૂરું થયું. પરંતુ આ વખતે શોના હોસ્ટ સલમાન ખાન શુક્રવાર કા વારમાં જોવા મળ્યા ન હોતા, જેના કારણે ચાહકોના મનમાં ઘણા પ્રશ્નો ઉભા થઈ રહ્યા છે. સલમાનની હોસ્ટિંગ સ્ટાઈલના લોકો દિવાના છે, તેથી જો તે એક અઠવાડિયા સુધી પણ જોવા ન મળે તો બધા તેને મિસ કરે છે. પરંતુ સવાલ છે કે, એવું તે શું થયું કે સલમાન ખાન આ વખતના શુક્રવાર કા વારમાં જોવા મળ્યા નથી.
સલમાન ખાનને થયો ડેન્ગ્યુ
સલમાન ખાનનો શો બિગ બોસ 16 (Bigg Boss 16)આ દિવસોમાં સતત ચર્ચામાં છે. આ વખતે શોમાં ઘણા ટ્વિસ્ટ મેકર્સ લાવ્યા છે, જેમાં હવે શુક્રવાર અને શનિવારે વીકેન્ડ કા વાર યોજાય છે. આમાં સલમાન ખાન ક્યારેક સ્પર્ધકોના વખાણ કરે છે તો ક્યારેક ઉગ્રતાથી ક્લાસ પણ લે છે. આ કડી ખૂબ જ રમુજી છે. પરંતુ આ અઠવાડિયે તે જોવા મળશે નહીં. તેની પાછળનું કારણ જણાવવામાં આવી રહ્યું છે કે તેમને ડેન્ગ્યુ થયો છે. બિગ બોસ 16ના આગામી કડીમાં દર્શકો સલમાન ખાનને મિસ કરવાના છે. એક અહેવાલ મુજબ, સલમાન ખાનને ડેન્ગ્યુ થયો છે અને તેના કારણે તે થોડા સમય માટે બિગ બોસને હોસ્ટ કરી શકશે નહીં. હવે આવી સ્થિતિમાં ચાહકોના મનમાં સવાલ ઉઠી રહ્યો છે કે તેમની જગ્યા કોણ લેશે.
સલમાન શૂટિંગથી રહેશે દૂર
સલમાન ખાન શોમાં આવનારા કેટલાક અઠવાડિયા સુધી જોવા નહીં મળે. મીડિયા રિપોર્ટ્સ અનુસાર, સલમાન ખાનને ડેન્ગ્યુ થયો છે અને ડોક્ટરોએ તેને આરામ કરવાની સલાહ આપી છે. જણાવી દઈએ કે, તે પોતાની ફિલ્મ 'કિસી કા ભાઈ કિસી કી જાન'નું શૂટિંગ પણ કરી રહ્યો હતો. પરંતુ ખરાબ તબિયતના કારણે તે હાલ ફિલ્મના શૂટિંગથી પણ દૂર રહેશે.
કરણ જોહર આ શોને હોસ્ટ કરશે
મહત્વનું છે કે, કરણ જોહર બિગ બોસ 16 હોસ્ટ કરશે. તે થોડા અઠવાડિયા માટે સલમાનનું સ્થાન લેશે. કરણે ગયા વર્ષે બિગ બોસ OTT હોસ્ટ કર્યો હતો. હવે જોવાનું એ રહેશે કે કરણની હાજરી શોની TRP પર કોઈ અસર કરે છે કે કેમ. જોકે, સલમાને કરણની ફિલ્મ 'કુછ કુછ હોતા હૈ'માં કામ કર્યું છે અને બંનેની બોન્ડિંગ ઘણી સારી છે.
ટાઇગર 3 આવતા વર્ષે રિલીઝ થશે
ફિલ્મોની વાત કરીએ તો સલમાન ખાનની ફિલ્મ કભી ઈદ કભી દિવાળી હેડલાઈન્સ બનાવી રહી છે. આ સિવાય સલમાનની ફિલ્મ ટાઈગર 3 હવે આવતા વર્ષે ઈદ પર રિલીઝ થશે નહીં. આ ફિલ્મ હવે દિવાળી 2023 પર રિલીઝ થશે. આ ફિલ્મ હિન્દી ઉપરાંત તમિલ અને તેલુગુમાં પણ રિલીઝ થશે. તેમાં કેટરીના કૈફ, વેંકટેશ દગ્ગુબાતી, પૂજા હેગડે મહત્વની ભૂમિકામાં છે.
Next Article