ભગવાન રામના શાસનમાં પણ સૌનો સાથ સૌનો વિકાસની પ્રેરણા: PM Modi

ભગવાન રામના (Lord Ram)જન્મસ્થળ અયોધ્યામાં (Ayodhya)રામાયણ અને રામચરિત માનસના લોકપ્રિય ભજનો, ચોપાઈઓ અને દોહા સાથે દીપોત્સવની ઉજવણી શરૂ કરવામાં આવી હતી. વડાપ્રધાનશ્રી મોદી (Narendra Modi)અયોધ્યામાં રામલ્લાના દરબારમાં પહોંચ્યા અને તેમની પૂજા કરી. તેમની સાથે સીએમ યોગી અને રાજ્યપાલ આનંદીબેન પટેલ હાજર રહ્યા  હતા . અયોધ્યા શહેરમાં લગભગ 17 લાખ માટીના દીવા પ્રગટાવવામાં આવ્યા હતા. દિપોત્સવ માટે દીવાને શણગારવા માટે સવારથી જ સ્વયંસેવકો હાજર રહ્યા હતા. અયોધ્યામાં દિવાળી પર ભવ્ય દીપોત્સવની ઉજવણી કરવામાં આવી રહી છે, જેમાં વડાપ્રધાન નરેન્દ્ર મોદીએ હાજરી આપી છે.

આ અવસરે ઉત્તર પ્રદેશના મુખ્યમંત્રી યોગી આદિત્યનાથે તેમનું સ્વાગત કર્યું અને સન્માન કર્યું.રામલ્લાના દર્શન કરીને અયોધ્યા પરત ફરેલા ભગવાન રામનો વડાપ્રધાનશ્રી નરેન્દ્ર મોદીએ પ્રતીકાત્મક રીતે રાજ્યાભિષેક કર્યો હતો. આ પછી કાર્યક્રમને સંબોધતા પીએમ મોદીએ કહ્યું કે અયોધ્યાના દરેક કણમાં ભગવાન રામનું દર્શન સમાયેલા છે.

તેમણે કહ્યું કે અયોધ્યાની રામલ્લા, સરયુ આરતી, દીપોત્સવ દ્વારા આ દર્શન આખી દુનિયામાં ફેલાઈ રહ્યા છે. પીએમે દેશવાસીઓને દિવાળીની શુભેચ્છા પાઠવી અને કહ્યું કે આ દિવાળીએ આપણે સ્વતંત્રતાના અમૃત પર્વની ઉજવણી કરી રહ્યા છીએ. આઝાદીના અમૃત કાળમાં ભગવાન રામ જેવી ઈચ્છાશક્તિ દેશને નવી ઊંચાઈઓ પર લઈ જશે.