અમેરિકા અને સાથી દેશોએ ફરી યુક્રેનને હથિયારો આપતા લાલઘુમ થયું રશિયા, કહ્યું – હવે હદ થઈ..
આ રશિયા અને યુક્રેન
વચ્ચેનુ યુદ્ધ હજુ પણ શાંત થવાનું નામ નથી લઈ રહ્યું. યુદ્ધને 2 મહિના કરતા વધારે
સમય થઈ ચૂક્યો છે. પરંતુ હજુ પણ યુક્રેન પર રશિયાના આક્રમક હુમલાઓ શરૂ છે. તો બીજી
તરફ અમેરિકા અને બીજા દેશો દ્વારા યુક્રેનને મદદ કરવામાં આવી રહી છે. જેના પગલે ફરી
રશિયા રઘવાયું બન્યું છે અને ફરી એક વખત પરમાણુ યુદ્ધની ચેતવણી આપી દીધી છે. રશિયાએ મંગળવારે નાટો પર પ્રોક્સી યુદ્ધમાં
સામેલ થવાનો આરોપ મૂક્યો છે જેણે પરમાણુ યુદ્ધનો ગંભીર ખતરો ઉભો કર્યો છે.
રશિયાનું આ નિવેદન યુક્રેનને અમેરિકા અને તેના સહયોગી દેશો તરફથી મળેલી મદદના
જવાબમાં આવ્યું છે. મંગળવારે યુએસએ તેના સહયોગી દેશો
સાથે જર્મન એરપોર્ટ પર યુક્રેનને રશિયા સામેના યુદ્ધમાં વિજય માટે જરૂરી
હથિયારો પૂરા પાડવાનું વચન આપ્યું હતું.રશિયાના વિદેશ મંત્રી સર્ગેઈ લાવરોવે
કહ્યું કે પરમાણુ યુદ્ધનું જોખમ હજુ પણ છે. તેને હળવાશથી ન લેવું જોઈએ. તેણે
સોમવારે રશિયાની ચેનલ સાથેની મુલાકાતમાં આ નિવેદન આપ્યું હતું કરી હતી.
રશિયાના વિદેશ મંત્રીએ
કહ્યું કે ખતરો ગંભીર છે તે વાસ્તવિક છે. તેને હળવાશથી ન લેવો જોઈએ. તેણે એવો પણ આક્ષેપ કર્યો હતો કે રશિયાના
યુદ્ધના પગલે પશ્ચિમે યુક્રેનને શસ્ત્રો આપ્યા હતા. નાટો ગઠબંધન રશિયા સાથે યુદ્ધમાં સામેલ હતું. આ શસ્ત્રો વિશેષ
કામગીરીના સંદર્ભમાં રશિયન લશ્કરી કાર્યવાહી માટે કાયદેસર લક્ષ્ય હશે. તેમણે
કહ્યું નાટો સારમાં પ્રોક્સી દ્વારા રશિયા
સાથેના યુદ્ધમાં રોકાયેલ છે અને તે પ્રોક્સીને સજ્જ કરી રહ્યું છે.
બીજી તરફ રશિયન દળોએ કિવથી પીછેહઠ કરી અને હવે યુક્રેનના પૂર્વમાં પુતિનની સેનાને
હરાવી યુએસ સંરક્ષણ સચિવ લોયડ ઓસ્ટિને 40 થી વધુ દેશોના અધિકારીઓનું
યુરોપમાં યુએસ એર પાવર હેડક્વાર્ટર રામસ્ટીન ખાતે સ્વાગત કર્યું. ઓસ્ટીને કહ્યું, રશિયાના સામ્રાજ્યવાદી આક્રમણ સામેની લડાઈમાં યુક્રેનને સમર્થન
આપવાના અમારા સંકલ્પમાં વિશ્વભરના રાષ્ટ્રો એક થયા છે. યુક્રેન સ્પષ્ટપણે માને છે
કે તે જીતી શકે છે અને તેથી જ અહીં દરેક વ્યક્તિ આવું વિચારે છે. ઉલ્લેખનિય છે કે અમેરિકાના
વિદેશ મંત્રી એન્ટની બ્લિંકન અને સંરક્ષણ સચિવ લોયડ ઓસ્ટિનની યુક્રેનની મુલાકાત
બાદ અમેરિકાએ યુક્રેન માટે નવી સૈન્ય સહાય અને રાજદ્વારી સમર્થનની જાહેરાત કરી છે.
બંને નેતાઓએ યુક્રેનના રાષ્ટ્રપતિ વોલોડીમિર ઝેલેન્સકી અને તેમના સલાહકારોને
જણાવ્યું હતું કે યુએસ વિદેશી સૈન્ય ભંડોળમાં $300 મિલિયનથી વધુ પ્રદાન કરશે
અને $165 મિલિયનના હથિયારના વેચાણને પણ મંજૂરી આપવામાં આવી છે.