રોવાન એટકિન્સન ઉર્ફે મિસ્ટર બીનનો આજે બર્થ ડે, જાણો લક્ઝુરિયસ હાઉસ-કાર સાથે કેટલી છે તેમની નેટ વર્થ

રોવાન સેબેસ્ટિયન એટકિન્સન એક અંગ્રેજી લેખક, હાસ્ય કલાકાર અને અભિનેતા છે. સમગ્ર વિશ્વ રોવાનને તેના વાસ્તવિક નામ કરતાં તેના પાત્ર મિસ્ટર બીનથી વધુ ઓળખે છે. રોવાન કદાચ વિશ્વમાં મિસ્ટર બીન તરીકે જાણીતો હશે, પરંતુ અભિનેતા કહે છે કે તેને આ ભૂમિકા ખૂબ જ તણાવપૂર્ણ અને કંટાળાજનક લાગી. રોવાન કહે છે કે તેને ભૂમિકા ભજવવામાં મજા આવી નથી, કારણ કે તેમાં ઘણી જવાબદારીઓ સામેલ છે.

આજે રોવાન એટકિન્સનનો જન્મદિવસ છે.મિસ્ટર બીન આ વર્ષે 67 વર્ષના થયા છે. રોવાનનો જન્મ 6 જાન્યુઆરી 1955ના રોજ ડરહામ કાઉન્ટી, કોન્સેટ, ઈંગ્લેન્ડમાં થયો હતો. રોવાન ત્યાં જ મોટા થયા રોવાન ચાર ભાઈઓમાં સૌથી નાના હતા. રોવાનના પિતા એરિક એટકિન્સન એક ખેડૂત અને કંપનીના ડિરેક્ટર હતા. રોવને ક્વીન્સ કોલેજ, ઓક્સફોર્ડમાં ઇલેક્ટ્રિકલ એન્જિનિયરિંગનો અભ્યાસ કર્યો. રોવાનના પિતા પણ આ જ કોલેજમાં ભણ્યા હતા. મિસ્ટર બીનને લોરી ચલાવવાનો ખૂબ જ શોખ છે, તેથી તેની પાસે હજુ પણ લોરી ડ્રાઇવિંગનું લાઇસન્સ છે. રોવિન ખૂબ જ ખુશ વ્યક્તિ છે. જેટલો તે પોતાના કેરેક્ટર મિસ્ટર બીનથી લોકોને હસાવે છે તેટલો જ તે વાસ્તવિક જીવનમાં પણ બધાને હસાવે છે અને મિત્રો સાથે મસ્તી કરતો રહે છે.

રોવને તેની અભિનય કારકિર્દીની શરૂઆત 1978માં કોમેડી શ્રેણી 'ધ એટકિન્સન પીપલ'થી કરી હતી. તે દરમિયાન તે બીબીસી રેડિયો 3 માટે કામ કરતો હતો. તે પછી 1979માં તેણે કેન લાફ્ટરમાં કામ કર્યું. તે જ સમયે, તે જ વર્ષે તેણે કોમેડી શ્રેણી નોટ ધ નાઈન ઓ ક્લોક ન્યૂઝમાં કામ કર્યું. મિસ્ટર બીન ઉપરાંત, રોવાન બ્લેકડેડર, ધ સિક્રેટ પોલીસમેન બાઉલ્સ અને ધ થિન બ્લુ લાઇન જેવા ટીવી શોમાં પણ દેખાયા છે.

રોવાન એટકિન્સન બ્રિટનના સૌથી ધનિક લોકોમાંના એક છે. તેમની ઓળખ હોલીવુડના મોટા કલાકારો કરતા વધુ છે. મિસ્ટર બીન્સનો બેઉ લંડનમાં એક આલીશાન મહેલ છે, જેની મત કરોડોમાં છે. અભિનેતા પાસે વિશ્વની સૌથી મોંઘી કાર પણ છે. તેઓ McLaren F1ની માલિકી ધરાવે છે, જેનું બજાર મૂલ્ય આશરે રૂ. 80 થી 100 કરોડ છે. આના પરથી તમને ખ્યાલ આવી શકે છે કે તેમની વાર્ષિક આવક કેટલી હોઈ શકે છે અને શા માટે તે બ્રિટનના સૌથી ધનિક લોકોમાંથી એક છે.

'કમાન્ડર ઓફ ધ મોસ્ટ એક્સેલેન્ટ ઓર્ડર ઓફ ધ બ્રિટીશ એમ્પાયર'નું બિરુદ પ્રાપ્ત થયું

મિસ્ટર બિનને તેમની કામગીરી બદલ યુનાઇટેડ કિંગડમની રાણી દ્વારા 2013માં 'કમાન્ડર ઓફ ધ મોસ્ટ એક્સેલેન્ટ ઓર્ડર ઓફ ધ બ્રિટીશ એમ્પાયર'નું બિરુદ આપવામાં આવ્યું હતું. રિપોર્ટ્સ અનુસાર, રોવાન એટકિન્સન લગભગ આઠ હજાર કરોડની સંપત્તિના માલિક છે. અભિનેતાનો પ્રખ્યાત શો મિસ્ટર બીન પાંચ વર્ષ સુધી ચાલ્યો. મિસ્ટર બીનનું આ પાત્ર નાનાથી લઈને મોટા લોકોને ખૂબ જ પસંદ આવ્યું હતું. આજે પણ લોકો આ શોના રેકોર્ડ એપિસોડ જુએ છે.

આ પણ વાંચોઃ એક સમયે ઓમ પુરી ચાના સ્ટોલ પર કામ કરતા હતા, બની ગયા અભિનયની દુનિયાના બેતાજ બાદશાહ