ભારે વરસાદના કારણે મુંબઈના રોડ-રસ્તાઓ જળમગ્ન, 9 જુલાઈ સુધી રેડ એલર્ટ

દેશના લગભગ દરેક ભાગમાં ચોમાસાનું આગમન થઈ ગયું છે. દેશની રાજધાની દિલ્હી-એનસીઆરમાં ક્યારેક વરસાદ પડે છે તો ક્યારેક તડકો. ક્યારેક ગરમીથી રાહત મળે છે. બીજી તરફ દેશની આર્થિક રાજધાની મુંબઈમાં સતત ત્રીજા દિવસે ભારે વરસાદ પડ્યો હતો, જેના કારણે એક ચાલી નજીક ભૂસ્ખલન થયું હતું, જેના કારણે અનેક સ્થળોએ પાણી ભરાઈ ગયા હતા અને વાહનવ્યવહાર ખોરવાયો હતો. 

મુંબઈમાં છેલ્લા ત્રણ દિવસથી ભારે વરસાદ પડી રહ્યો છે. અવિરત વરસાદને કારણે મુંબઈના ઘણા વિસ્તારોમાં પાણી ભરાઈ ગયા છે, જેના કારણે સામાન્ય જનજીવન પ્રભાવિત થયું છે. હવામાન વિભાગે અહીં પહેલેથી જ ઓરેન્જ એલર્ટ જારી કરી દીધું છે, જ્યારે રાયગઢ, રત્નાગીરી અને સિંધુદુર્ગમાં 9 જુલાઈ સુધી રેડ એલર્ટ ચાલુ રહેશે. મુંબઈમાં વરસાદ કેટલો પડ્યો તેનો અનુમાન તમે એ વાત પરથી પણ લગાવી શકો છે કે અહીં અંધેરી સબવેમાં પાણી ભરાઇ જવાથી વાહનોને અવર-જવરમાં ઘણી મુશ્કેલીઓનો સામનો કરવો પડી રહ્યો છે. 

સ્કાયમેટના જણાવ્યા અનુસાર, સક્રિય ચોમાસાની સ્થિતિ આગામી 10 દિવસ સુધી ચાલુ રહેશે. ગુરુવાર અને શુક્રવારે મહારાષ્ટ્ર અને ગુજરાતમાં ભારે વરસાદની સંભાવના છે. મહારાષ્ટ્રના રાયગઢ, રત્નાગીરી અને સિંધુદુર્ગમાં 9 જુલાઈ સુધી રેડ એલર્ટ જારી કરવામાં આવ્યું છે, જ્યારે પાલઘર, પુણે, કોલ્હાપુર અને સતારામાં 8 જુલાઈ સુધી એલર્ટ જાહેર કરવામાં આવ્યું છે. મુંબઈ અને થાણે 10 જુલાઈ સુધી ઓરેન્જ એલર્ટ પર છે. હવામાન વિભાગ દ્વારા આ ચેતવણી જારી કરવામાં આવી છે. 

વરસાદના કારણે રાજ્યની નદીઓ તોફાની બનતી જોવા મળી રહી છે. NDRF અને SDRFની ટીમો અનેક જિલ્લાઓમાં તૈનાત કરવામાં આવી છે. કોલ્હાપુરની પંચગંગા નદી ખતરાના નિશાનથી માત્ર 7 ફૂટ નીચે છે. કોલ્હાપુરના સિરોલ તાલુકામાં NDRFની બે ટીમો તૈનાત કરવામાં આવી છે. મહત્વનું છે કે, વર્ષ 2019 અને 2021માં કોલ્હાપુર જિલ્લામાં ભારે પૂર આવ્યું હતું.