સુરક્ષા પર ઊભા થયા છે સવાલ, કેદારનાથ ધામની પાંચેય હેલિકોપ્ટર સેવાઓ પર સવાલ

આજે કેદારનાથથી 2 કિલોમીટર દૂર એક ખાનગી કંપનીનું હેલોકોપ્ટર ક્રેશ થયું હતું. આ દુર્ઘટનામાં 7 લોકોના મોત નીપજ્યા હતા. ઉત્તરાખંડના મુખ્યમંત્રીના વિશેષ મુખ્ય સચિવે આ હેલિકોપ્ટર દુર્ઘટનામાં પાયલોટ સહિત 7 લોકોના મોતની પુષ્ટી કરી હતી. આ ઘટનામાં મૃતકો ગુજરાત અને તમિલનાડુના છે. મૃતકોમાં ત્રણ યુવતીઓ ગુજરાતના ભાવનગરની હતી. રાજ્ય સરકારે મૃતકોના પરિવારને ચાર લાખ રૂપિયા સહાય આપવાની જાહેરાત કરી છે. આ દુર્ઘટના પર વડાપ્રધાન નરેન્દ્ર મોદી, કેન્દ્રીય ગૃહમંત્રી અમિત શાહ,  કોંગ્રેસના નેતા શક્તિસિંહ ગોહિલ સહિતના દિગ્ગજોએ ટ્વીટ કરીને દુઃખ વ્યક્ત પણ કર્યું છે. તેમજ રાજ્ય સરકારે મૃતકોના પરિવારને સાત્વના પાઠવી છે અને મૃતદેહોને પોતાનાના વતન સુધી પોહોંચાડવાની વ્યવસ્થા સરકાર કરશે. ગુજરાતના ભાવનગરના મૃતકોના પરિવારજનોને રાજ્ય સરકાર રૂપિયા ચાર લાખની સહાય આપશે. પરંતુ હજુ આવી દુર્ઘટના ન સર્જાય તે પણ જરુરી છે.