અભ્યારણ્યની અંદાજીત 600 -700 હેક્ટર જમીન પર દબાણ દૂર કરાયા

વન્યપ્રાણી અભ્યારણ્યમાં ગેરકાયદેસર પ્રવૃત્તિ કરતાં અને વન્યપ્રાણી ગુન્હા આચરતા ઈસમો વિરુદ્ધ કડક કાર્યવાહી કરીને દબાણ દૂર કરવામાં આવ્યા છે ડી.એફ.ઓ. કચ્છ પૂર્વ વન વિભાગ ગોવિંદસિંહ સરવૈયાના માર્ગદર્શન મુજબ એ.સી.એફ. સી.એસ.પટેલ અને ભચાઉ રેન્જ ફોરેસ્ટ ઓફિસર ભગીરથસિંહ ઝાલાએ તેમની ફોરેસ્ટ ટીમ સાથે ભચાઉ તાલુકાના કડોલ ગામ નજીક કચ્છ રણ વન્યપ્રાણી અભ્યારણ્યમાં સંયુક્ત પેટ્રોલિંગ કરી વન્યપ્રાણી સંરક્ષણ ધારા-૧૯૭૨ હેઠળ કાયદેસરની કાર્યવાહી કરી અભ્યારણ્યમાં ગેરકાયદેસર પ્રવેશ કરી વન્યપ્રાણી રહેઠાણને નુકશાન પહોંચાડતા ઈસમો વિરુદ્ધ  વન ગુન્હા નોંધવામાં આવેલ છે. 

જેમાં મીઠાના અગર માટે ગેરકાયદેસર પાળા બનાવવા ઉપયોગમાં લેવાયેલ વાહન,હીટાચી, બોર બનાવવાની મશીનરી વગેરે જપ્ત કરી અને આરોપીઓ પાસે એડવાન્સ દંડ રીકવરી વસૂલ કરી ગેરકાયદેસર પાળા તોડી પાડ્યા છે. અભ્યારણ્યમાં સઘન પેટ્રોલિંગ હાથ ધરી કચ્છ પૂર્વ વન વિભાગની ફોરેસ્ટ ટીમ દ્વારા ગેરકાયદેસર પાળા,હદ,નિશાનીઓ વગેરેને તોડી અભ્યારણ્યની જમીન પર ગેરકાયદેસર કબ્જો દબાણ કરવાના પ્રયાસને નિષ્ફળ બનાવી દબાણ દૂર કરવાની કામગીરી પ્રગતિમાં છે. જેમાં છેલ્લા કેટલાક દિવસોથી વન ગુન્હા નોંધી મશીનરી જપ્ત કરી ગેરકાયદેસર મીઠાના પાળા તોડી અભ્યારણ્યની અંદાજિત 600-700હેક્ટર જમીન પર કાર્યવાહી કરી દબાણ દૂર કરવામાં આવેલ છે અને ગેરકાયદેસર મીઠું ઉત્પાદન થાય તે પહેલાંજ સઘન ઝુંબશ હાથ ધરેલ છે. આવનારા દિવસોમાં પણ અભ્યારણ્યમાં સઘન પેટ્રોલિંગ હાથ ધરી દબાણ દૂર કરવાની કામગીરી પ્રગતિમાં રહેશે.

કચ્છ રણ વન્યપ્રાણી અભ્યારણ્યમાં સંયુક્ત પેટ્રોલિંગ કરી વન્યપ્રાણી સંરક્ષણ ધારા-1972 હેઠળ કાયદેસારની કાર્યવાહી કરી અભ્યારણ્યમાં ગેરકાયદેસર પ્રવેશ કરી વન્યપ્રાણી રહેઠાણને નુકશાન પહોંચાડતા ઈસમો વિરુદ્ધ રૂટિન પ્રક્રિયા મુજબ વન ગુન્હા નોંધવામાં આવેલ છે. જેમાં મીઠાના અગર માટે ગેરકાયદેસર પાળા બનાવવા ઉપયોગમાં લેવાયેલ વાહન,હીટાચી, બોર બનાવવાની મશીનરી વગેરે જપ્ત કરી અને આરોપીઓ પાસેથી એડવાન્સ દંડ રીકવરી વસૂલ કરી ગેરકાયદેસર પાળા તોડી પાડ્યા છે.

આપણ  વાંચો- બનાસકાંઠામાં જળ સંચય માટે પ્રજાએ પણ જાગૃત થવું જરૂરી: અધ્યક્ષ શંકરભાઈ ચૌધરી