અક્ષય કુમારની ફિલ્મ 'પૃથ્વીરાજ'નું દમદાર ટ્રેલર રિલીઝ, માનુષી છિલ્લર પ્રેમના રંગમાં રંગાઇ

બોલિવૂડ એક્ટર અક્ષય કુમાર આ દિવસોમાં તેની મોસ્ટ અવેઇટેડ ફિલ્મ પૃથ્વીરાજને લઈને ચર્ચામાં છે. અક્ષયની આ ફિલ્મની લાંબા સમયથી  રાહ જોવાઇ રહી છે.  

ફિલ્મના નિર્માતાઓએ સોમવારે, 9 મેના રોજ અક્ષય કુમાર અને માનુષી છિલ્લર અભિનીત આ ફિલ્મનું દમદાર ટ્રેલર રિલીઝ કર્યું છે. આ ફિલ્મનું ટ્રેલર યુટ્યુબ પર જોઈ શકાય છે. ફિલ્મના ટ્રેલર સામે આવ્યું છે તેમાં અક્ષય કુમાર પૃથ્વીરાજ ચૌહાણના પાત્રમાં દમદાર અભિનય કરતો જોવા મળી રહ્યો છે. તે જ સમયે, પૂર્વ મિસ વર્લ્ડ માનુષી છિલ્લર રાજકુમારી સંયોગિતાના રોલમાં ખૂબ જ સુંદર દેખાઈ રહી છે. 

ટ્રેલર જોતાં લાગે છે  કે ફિલ્મની વાર્તા સમ્રાટ પૃથ્વીરાજ ચૌહાણ અને રાજકુમારી સંયોગિતાની પ્રેમકથા પર આધારિત છે. આ સિવાય ફિલ્મના ટ્રેલરમાં 1191 અને 1192માં પૃથ્વીરાજ ચૌહાણ અને મોહમ્મદ ઘોરી વચ્ચેના તરૈન યુદ્ધની ઝલક પણ જોવા મળે છે. ટ્રેલરમાં અક્ષય કુમાર અને માનુષી છિલ્લર ઉપરાંત અભિનેતા સોનુ સૂદ કવિ ચંદ્રવરદાયના પાત્રમાં જોવા મળ્યો હતો. તે જ સમયે, અભિનેતા સંજય દત્ત કાકા કાન્હાના રોલમાં દર્શકોનું મનોરંજન કરવા જઈ રહ્યો છે. તેમજ આશુતોષ રાણા જયચંદ અને માનવ વિજ મોહમ્મદ ગૌરીના રોલમાં જોવા મળ્યા હતા. આ સિવાય સાક્ષી તંવર, લલિત તિવારી પણ ફિલ્મમાં મહત્વની ભૂમિકામાં જોવા મળશે. 

પૃથ્વીરાજ ફિલ્મનું નિર્દેશન ડૉ.ચંદ્રપ્રકાશ દ્વિવેદીએ કર્યું છે.ફિલ્મના ટ્રેલરમાં અક્ષય કુમારની રોયલ સ્ટાઈલ લોકોને ખૂબ જ પસંદ આવી રહી છે. તે જ સમયે, ફિલ્મમાં અક્ષયના પ્રેમના રંગોમાં માનુષી છિલ્લરનો દેખાવ અને અભિનય પણ દર્શકોને પસંદ છે. લાંબા સમયથી રિલીઝની રાહ જોઈ રહેલા ફિલ્મના ટ્રેલરમાં શાનદાર VFX જોવા મળ્યું છે. 

હવે ફિલ્મના ટ્રેલર બાદ ચાહકો આતુરતાથી ફિલ્મની રાહ જોઈ રહ્યા છે. હવે જોવાનું એ રહશે કે છે કે આ ફિલ્મ સિનેમાઘરોમાં પોતાને સાબિત કરવામાં  સફળ થાય છે કે કેમ. ફિલ્મના ટ્રેલર રિલીઝ વિશે માહિતી આપતા અક્ષય કુમારે ઈન્સ્ટાગ્રામ પર એક પોસ્ટ પણ શેર કરી છે. ટ્રેલરની એક વિડિયો ક્લિપ શેર કરતા અભિનેતાએ કેપ્શનમાં લખ્યું, "વીરતા અને બહાદુરીની અમર વાર્તા. આ સમ્રાટ પૃથ્વીરાજ ચૌહાણની વાર્તા છે."

ફિલ્મની રિલીઝની વાત કરીએ તો યશરાજ ફિલ્મ્સના બેનર હેઠળ બનેલી આ ફિલ્મ આ વર્ષે 3 જૂને સિનેમાઘરોમાં રિલીઝ થશે. આ ફિલ્મ લાંબા સમયથી રિલીઝ થવાની રાહ જોઈ રહી હતી. ખરેખર, આ ફિલ્મ અગાઉ વર્ષ 2020માં દિવાળીમાં રિલીઝ થવાની હતી. પરંતુ લોકડાઉનના કારણે તેનું શૂટિંગ પૂર્ણ થઈ શક્યું ન હતું અને પછી કોરોનાને કારણે ફિલ્મની રિલીઝ વારંવાર સ્થગિત કરવામાં આવી હતી. જોકે, હવે આ ફિલ્મ આવતા મહિને હિન્દી, તમિલ અને તેલુગુમાં રિલીઝ થશે.