PM મોદીએ પાંચમી BIMSTEC સમિટમાં વર્ચ્યુઅલી હાજરી આપી, પોતાના સંબોધનમાં આ વાતો કહી

5મી BIMSTEC સમિટમાં PM મોદીએ વધુમાં જણાવ્યું હતું કે, અમે નાલંદા ઇન્ટરનેશનલ યુનિવર્સિટી દ્વારા ઓફર કરવામાં આવતા BIMSTEC શિષ્યવૃત્તિ કાર્યક્રમના વ્યાપને વિસ્તારવા અને વધારવા પર કામ કરી રહ્યા છીએ. અમે ગુનાહિત બાબતો પર પરસ્પર કાનૂની સહાયતા અંગેની સંધિ પર પણ હસ્તાક્ષર કરી રહ્યા છીએ. BIMSTEC સમિટમાં PM મોદીએ કહ્યું કે, બંગાળની ખાડીને કનેક્ટિવિટી, સમૃદ્ધિ અને સુરક્ષાનો સેતુ બનાવવાનો સમય આવી ગયો છે. 

હું તમામ BIMSTEC દેશોને આહ્વાન કરું છું કે તે 1997માં એકસાથે હાંસલ કરેલા લક્ષ્યોને હાંસલ કરવા માટે નવા ઉત્સાહની સાથે કામ કરવા માટે પોતાને સમર્પિત કરે. ભારત પોતાના ઓપરેટિંગ બજેટને વધારવા માટે (BIMSTEC) સચિવાલયને 1 મિલિયન USD  આપશે, (BIMSTEC) સચિવાલયની ક્ષમતાને મજબૂત કરવી મહત્વપૂર્ણ છે... હું સેક્રેટરી જનરલને આ માટે એક રોડમેપ તૈયાર કરવા સૂચન કરું છું.

BIMSTEC નું પૂરું નામ બે ઓફ બંગાળ ઇનિશિએટિવ ફોર મલ્ટી-સેક્ટોરલ ટેક્નિકલ એન્ડ ઇકોનોમિક કો-ઓપરેશન (Bya of Bengal Initiative for Multi-Sectoral Technical and Economic Co-Operation) કહે છે. તેના 7 સભ્યોમાંથી 5 સાઉથ એશિયાના છે. તેમાં ભારત ઉપરાંત બાંગ્લાદેશ, ભૂતાન, નેપાળ અને શ્રીલંકાનો સમાવેશ થાય છે, જ્યારે દક્ષિણ-પૂર્વ એશિયામાંથી મ્યાનમાર અને થાઈલેન્ડનો સમાવેશ થાય છે. સંસ્થાના ઉદ્દેશ્યોમાં આર્થિક વિકાસ માટે વાતાવરણ ઊભું કરવું, સામાજિક અને હવે આરોગ્ય સંબંધિત મુદ્દાઓમાં પ્રગતિને પ્રોત્સાહન આપવું અને પ્રદેશમાં સામાન્ય હિતની બાબતો પર સહકારને પ્રોત્સાહન આપવાનો સમાવેશ થાય છે. આ સંગઠન ભારત માટે ઘણા કારણોસર મહત્વપૂર્ણ છે. પ્રથમ - ભારતની સરહદે આવેલા વિસ્તારોને પ્રાથમિકતા આપીને સંબંધોને મજબૂત કરવા. તે ભારતને દક્ષિણપૂર્વ એશિયા સાથે પણ જોડે છે. તે બંગાળની ખાડી ક્ષેત્રના ઉત્તરપૂર્વીય રાજ્યોને બાંગ્લાદેશ અને મ્યાનમાર દ્વારા જોડે છે. એટલે કે અહીંના વિકાસ માટે આ દેશોનો સહયોગ જરૂરી છે.