પ્રધાનમંત્રી મોદીનો અનોખો અંદાજ, હાથમાં કરતાલ લઈને કીર્તનમાં લીધો ભાગ

પ્રધાનમંત્રી નરેન્દ્ર મોદી ધાર્મિક આસ્થા સાથે જોડાયેલા છે તે દરેક દેશવાસી જાણે છે. અનેકવાર સોશિયલ મીડિયામાં તેમનો ધર્મ સાથે અનુરાગ પણ જોવા મળે છે. સંત રવિદાસ જયંતિ પર વડાપ્રધાન મોદીએ દિલ્હીના કરોલબાગમાં આવેલા  ગુરુ રવિદાસ વિશ્રામ ધામની મુલાકાત લીધી હતી. પીએમ મોદીએ કીર્તનમાં ભાગ લીધો હતો. હાથમાં કરતાલ લઈને પીએમ મોદી ભક્તિના રંગમાં રંગાયા હતા. પ્રધાનમંત્રીએ તેમના કરતાલ વગાડવાનો વીડિયો સોશિયલ મીડિયામાં શેર કર્યો છે. આ વીડિયો શેર થતાં જ વાયરલ થઈ ગયો છે. વડાપ્રધાન મોદીના આ અંદાજનો વીડિયો સોશિયલ મીડિયા પર જબરદસ્ત રીતે શેર કરવામાં આવી રહ્યો છે.