શોકમય માહોલ વચ્ચે PM મોદીની કર્તવ્યનિષ્ઠા, પંતના અકસ્માત અને પેલેના મોત પર વ્યક્ત કર્યું દુઃખ

ભારતીય વિકેટ કીપર બેટ્સમેન રિષભ પંત (Rishabh Pant) ની કારને શુક્રવારે વહેલી સવારે રૂડકીમાં અકસ્માત નડ્યો હતો. આ અકસ્માતમાં તે ગંભીર રીતે ઈજાગ્રસ્ત થયો છે. હાલમાં તે સ્થિર છે અને બીસીસીઆઈની મેડિકલ ટીમની દેખરેખ હેઠળ છે. તેમને દેહરાદૂનની મેક્સ હોસ્પિટલમાં દાખલ કરવામાં આવ્યા છે. પંતને સ્વાસ્થ્યને લઇને સૌ કોઇ ચિંતિત છે અને જલ્દી જ તે સ્વસ્થ થાય તેવી કામનાઓ કરવામાં આવી રહી છે. વડાપ્રધાન મોદી (PM Modi) એ પણ રિષભના સ્વાસ્થ્યને લઇને ટ્વીટ કર્યું છે. વળી, વડાપ્રધાન નરેન્દ્ર મોદીએ બ્રાઝિલના દિગ્ગજ ખેલાડી પેલેના નિધન પર પણ શોક વ્યક્ત કર્યો અને તેને રમતગમતની દુનિયા માટે અપુરતી ખોટ ગણાવી.

વડાપ્રધાન નરેન્દ્ર મોદીએ માર્ગ અકસ્માતમાં ઈજાગ્રસ્ત ભારતીય ક્રિકેટર રિષભ પંતના ઝડપી સ્વસ્થ થવાની શુભેચ્છા પાઠવી છે. શુક્રવારે વહેલી સવારે દિલ્હી-દેહરાદૂન હાઈવે પર ડિવાઈડર સાથે અથડાયા બાદ તેની લક્ઝરી કારમાં આગ લાગી હતી. જોકે તેનો આ અકસ્માતમાં બચાવ થયો છે. પચીસ વર્ષના પંતને માથા, પીઠ અને પગમાં ઈજા પહોંચી છે જોકે, હાલમાં તે સ્થિર છે. PM મોદીએ ટ્વીટ કરીને લખ્યું કે, "હું જાણીતા ક્રિકેટર રિષભ પંતના અકસ્માતથી દુઃખી છું. હું તેમના સારા સ્વાસ્થ્ય અને સુખાકારી માટે પ્રાર્થના કરું છું." 

આ પછી તેમણે ફૂટબોલ ખેલાડી પેલેના નિધન પર પણ શોક વ્યક્ત કર્યો હતો. વડાપ્રધાન મોદીએ ટ્વીટ કરીને કહ્યું કે, "પેલેના નિધનથી રમતગમતની દુનિયામાં ન પુરી શકાય તેવી ખોટ પડી છે. વૈશ્વિક ફૂટબોલ સુપરસ્ટાર, તેની લોકપ્રિયતા સરહદો પાર કરી ગઈ. તેની રમતગમતની શ્રેષ્ઠતા અને સફળતા આવનારી પેઢીઓને પ્રેરણા આપતી રહેશે. તેમના પરિવાર અને ચાહકો પ્રત્યે મારી સંવેદના."

ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.