PM મોદી 21 વર્ષ પછી આ વ્યક્તિને મળ્યાં, જુઓ વડાપ્રધાનનો અનોખો અંદાજ

હંમેશની જેમ આ વખતે પણ વડાપ્રધાન નરેન્દ્ર મોદી કારગીલમાં સૈનિકો સાથે તેમની દિવાળી મનાવી રહ્યા છે. પીએમ મોદી આજે સવારે જ કારગિલ પહોંચ્યા હતા. કારગિલ પહોંચ્યા બાદ પીએમ મોદીએ સશસ્ત્ર દળના જવાનો સાથે દિવાળી મનાવી અને જવાનોને મળ્યા. આ બેઠક દરમિયાન પીએમ મોદી 21 વર્ષ બાદ સેનાના અધિકારીને મળ્યા હતા. 

આ એક યોગાનુયોગ હતો કે 21 વર્ષ પહેલા જ્યારે બંને લોકો મળ્યા ત્યારે પીએમ મોદી ગુજરાતના મુખ્યમંત્રી હતા અને આર્મી ઓફિસરો સૈનિક સ્કૂલમાં ભણતા હતા. જવાનોની વચ્ચે પહોંચેલા વડાપ્રધાન મોદીએ કહ્યું કે ભારતની પ્રતિષ્ઠા વૈશ્વિક સ્તરે વધી છે,  અને આ શક્ય બન્યું છે કારણ કે દેશ બહારના અને અંદરના દુશ્મનોનો સફળતાપૂર્વક સામનો કરી રહ્યો છે.

21 વર્ષ પછી જ્યારે બંને લોકો મળ્યા, ત્યારે એક ભાવનાત્મક ક્ષણ સામે આવી. આર્મી ઓફિસરે પીએમ મોદીને તે તસવીર પણ બતાવી જ્યારે 21 વર્ષ પહેલા ગુજરાતના સીએમ તરીકે તેમણે સૈનિક સ્કૂલમાં પહોંચીને વિદ્યાર્થીઓનું સન્માન કર્યું હતું. આર્મી ઓફિસરે તેમની જૂની તસવીર સાથે પીએમ મોદી સાથે ફોટો પડાવ્યો હતો. 21 વર્ષ બાદ નરેન્દ્ર મોદી દેશના વડાપ્રધાન બન્યા છે અને એક સ્કૂલનો વિદ્યાર્થી સેનાનો ઓફિસર બન્યો છે.

અધિકારીઓએ જણાવ્યું કે મેજર અમિત મોદીને ગુજરાતના બાલાચડી સ્થિત સૈનિક સ્કૂલમાં મળ્યા હતા. રાજ્યના મુખ્યમંત્રી બન્યા પછી તરત જ મોદી ઓક્ટોબરમાં તે શાળામાં ગયા હતા. એક અધિકારીએ જણાવ્યું હતું કે, આજે કારગીલમાં બંને એકબીજાને મળ્યા ત્યારે તે ખૂબ જ ભાવનાત્મક બેઠક હતી. તસવીરમાં અમિત અને અન્ય વિદ્યાર્થી પીએમ મોદી પાસેથી શિલ્ડ લેતા જોવા મળે છે. 2014માં વડાપ્રધાન બન્યા ત્યારથી દર વર્ષે સશસ્ત્ર દળોના જવાનો સાથે દિવાળી ઉજવવાના તેમના રિવાજને અનુસરતા મોદીએ આજે ​​કારગીલમાં સૈનિકો સાથે તહેવારની ઉજવણી કરી હતી.

કારગીલમાં જવાનોને સંબોધતા પીએમ મોદીએ કહ્યું કે, અમે યુદ્ધને પહેલો નહીં પરંતુ હંમેશા છેલ્લો વિકલ્પ માનીએ છીએ અને શાંતિમાં માનીએ છીએ. અમે શાંતિમાં માનીએ છીએ, પરંતુ તાકાત વિના શાંતિ શક્ય નથી.' વડા પ્રધાને કહ્યું કે જ્યારે પણ ભારતની તાકાત વધે છે, ત્યારે વૈશ્વિક શાંતિ અને સમૃદ્ધિની સંભાવના વધે છે. 

રાષ્ટ્રની સુરક્ષા માટે આત્મનિર્ભર ભારત ખૂબ જ મહત્વપૂર્ણ છે અને વિદેશી શસ્ત્રો અને સિસ્ટમ્સ પર આપણી નિર્ભરતા ઓછી હોવી જોઈએ.