PM મોદીએ મેક્રોનને કર્યો ફોન, ફ્રાન્સના જંગલોમાં લાગેલી આગ અને ખાદ્ય સુરક્ષા પર કરી ચર્ચા

વડાપ્રધાનશ્રી  નરેન્દ્ર મોદીએ મંગળવારે ફ્રાન્સના રાષ્ટ્રપતિ ઈમેન્યુઅલ મેક્રોન સાથે ફોન પર વાત કરી હતી.ખુદ વડાપ્રધાને ટ્વીટ કરીને આ જાણકારી આપી હતી.વડા પ્રધાને કહ્યું કે તેમણે રાષ્ટ્રપતિ ઇમેન્યુઅલ મેક્રોન સાથે વાત કરી અને વિનાશક જંગલની આગને પહોંચી વળવા માટે ફ્રાન્સ સાથે ભારતની એકતા વ્યક્ત કરી. 

પીએમ મોદીએ કહ્યું કે બંને નેતાઓ ખાદ્ય અને ઉર્જા સુરક્ષાના વૈશ્વિક પડકારોને પહોંચી વળવા નજીકથી સહયોગ કરવા પણ સંમત થયા હતા.પીએમ મોદીએ ટ્વીટ કર્યું, “આજે મારા મિત્ર રાષ્ટ્રપતિ @EmmanuelMacron સાથે વાત કરી.વિનાશક જંગલી આગનો સામનો કરવા માટે ફ્રાન્સ સાથે ભારતની એકતાનો સંદેશ.અમે ભારત-ફ્રાન્સ વ્યૂહાત્મક ભાગીદારી હેઠળ ચાલી રહેલા દ્વિપક્ષીય સહયોગ અને વૈશ્વિક અને પ્રાદેશિક મહત્વના અન્ય મુદ્દાઓ પર ચર્ચા કરી. 

"રાષ્ટ્રપતિ ઇમેન્યુઅલ મેક્રોન અને હું પણ ખાદ્ય અને ઉર્જા સુરક્ષાના વૈશ્વિક પડકારોને પહોંચી વળવા માટે સાથે મળીને સહયોગ કરવા સંમત થયા છીએ," મોદીએ કહ્યું.