સુરતમાં નવી સિવિલ હોસ્પિટલમાં સ્લેબ તૂટી પડતા વિદ્યાર્થીઓમાં ગભરાટ, મોટી દુર્ઘટના ટળી

સુરતની(Surat) નવી સિવિલ હોસ્પિટલમાં સ્લેબ પડતા તબીબી વિધાર્થીઓમા ગભરાટ ફેલાયો હતો.  બિલ્ડિંગમાં સ્લેબના પોપડા તૂટવાની ઉઠેલી ફરિયાદો વચ્ચે સોમવારે અહીની ફિઝિયોથેરાપી કોલેજના લેક્ચર હોલમાં ફોલ સીલીંગનો મોટો ભાગ તૂટી પડતા ગભરાટ ફેલાયો હતો.સોમવારે લેક્ચર હોલ ખોલવામાં આવ્યો, તે સમયે ફોલ સીલીંગ તૂટેલી જોવા મળી હતી.સદનસીબે લેક્ચર હોલમાં વિદ્યાર્થી નહોતા, ત્યારે આ ઘટના બની હોવાથી મોટી દુર્ઘટના ટળી હતી.

સોમવારે સવારે સુરતના નવી સિવિલ કેમ્પસમાં આવેલી ફિઝિયોથેરાપી કોલેજના લેક્ચર હોલમાં અચાનત ફોલ સીલીંગ તૂટી પડી હતી.સ્લેબના પોપડાનો મોટો ભાગ ફોલ સીલીંગ પર પડતા આ ઘટના બની હતી. જેને લીધે સ્લેબના પોપડા અને તૂટેલી ફોલ સીલીંગ લેક્ચર હોલમાં વિદ્યાર્થીઓને બેસવા માટે મૂકાયેલી બેન્ચીસ પર પડી હતી. સદનસીબે આ ઘટના બની ત્યારે લેક્ચર હોલમાં વિદ્યાર્થી નહોતા. જેને લીધે મોટી દુર્ઘટના ટળી હતી. જોકે, આ ઘટનાને પગલે તબીબી વિદ્યાર્થીઓ માં ગભરાટ ફેલાઈ ગયો હતો. આ ઘટના દિવસભર સિવિલ કેમ્પસમાં ચર્ચાનો વિષય બની હતી. આ ઘટના બાદ સિવિલ તંત્ર દ્વારા બીજા લેક્ચર હોલની તપાસ કરવા સુચના અપાય છે.

જો કે દર વખત ની જેમ આ ઘટના માં પણ સિવિલના સત્તાધીશોએ પોતાની આબરૂ બચાવવા નો પ્રયાસ કર્યો હતો,સિવિલ સુપરિન્ટેન્ડેન્ટ ડો. ગણેશ ગોવેકરે ઘટના અંગે કહ્યું હતું કે, પીઆઈયુના અધિકારીઓને આ મામલે જાણ કરવામાં આવી છે અને લેક્ચર હોલમાં તાકિદે રિપેરીંગ કામ કરવા માટે સુચના આપવામાં આવી છે.આ ઉપરાંત અન્ય લેક્ચર હોલમાં પણ ફોલ સીલીંગની કન્ડીશન જાણવા તપાસ કરવા માટે કહેવામાં આવ્યું છે. આ ઘટનામાં કોઈને ઇજા થઈ નથી.

આ પણ વાંચોઃ  સુદામા મંદિરનો ૮ વર્ષથી બંધ જૂનો દરવાજો ખોલવા વેપારીઓની માંગ