ગુડ સમરીટન એવોર્ડ યોજના રીલોન્ચીંગ કાર્યક્રમ અંતર્ગત ઓનલાઈન વોઈસ કોન્ફરન્સ

ગુજરાતના  મુખ્યમંત્રી શ્રી ભુપેન્દ્રભાઈ પટેલની અધ્યક્ષતામાં અને ગૃહ રાજ્યમંત્રીશ્રી હર્ષ સંઘવીની પ્રેરક ઉપસ્થિતિમાં 'સ્કીમ ફોર ગ્રાન્ટ ઓફ એવોર્ડ ટુ ધ ગુડ સમરીટન રીલોન્ચિંગ કાર્યક્રમ યોજાયો હતો. મુખ્યમંત્રીશ્રી ભુપેન્દ્ર પટેલ દ્વારા ગુજરાત રોડ સેફ્ટી વેબસાઈટ લોન્ચ કરવામાં આવી હતી. ખેડા જિલ્લા કલેક્ટર શ્રી કે.એલ. બચાણી આકાર્યક્રમમાં ઓનલાઈન માધ્યમથી જોડાયા હતા.  

આ પ્રસંગે મુખ્યમંત્રી શ્રીભુપેન્દ્રભાઈ પટેલે જણાવ્યુ કે સ્કીમ ફોર ગ્રાન્ટ ઓફ એવોર્ડ ટુ ધ ગુડ સમરીટન યોજનાનો મુખ્ય ઉદ્દેશ જીવમાત્રની જિંદગી બચાવવાનો છે. અકસ્માતના ગોલ્ડન અવર્સ દરમિયાન આપવામાં આવતી સારવાર એ ભગીરથ કાર્ય છે. તેમણે આશા સેવી કે અકસ્માત સમયે કરવામાં આવેલ મદદ બદલ આપવામાં આવતા સન્માન એવોર્ડ થી સામાન્ય માણસો નિર્ભયતાથી આ પ્રકારની મદદ કરવા આગળ આવતા થશે.  

વાહન વ્યવહાર મંત્રી અને ગૃહ રાજ્ય મંત્રી શ્રી હર્ષ સંઘવીએ જણાવ્યું કે ગુડ સમરીટન એવોર્ડ રી લોન્ચિંગ યોજનાને માનવીય અભિગમ સાથે જોડવો અતિ આવશ્યક છે. આ યોજનાને ફક્ત કાગળ ઉપરન રાખતા સામાન્ય માણસ સુધી યોજનાનું મહત્વ સમજાવી લોકભાગીદારી ઉભી કરવી પડશે. મંત્રીશ્રીએ અકસ્માત સમયે મદદ કરનાર ગુનેગાર નથી પણ એક હીરો છે આ વાતને સામાન્ય માણસ સુધી પહોંચાડવાની અપીલ કરી હતી.

આ પ્રસંગે રોડ સેફટી કમિશનર શ્રી એલ.પી પાડલીયાએ ગુજરાત રાજ્યમાં માર્ગ સલામતી સુનિશ્ચિત કરી હાઇવે ઉપરના બ્લેક-સ્પોટ એટલે કે ગંભીર અકસ્માત ધરાવતા સ્થળો પર યોગ્ય કાર્યવાહી દ્વારા અકસ્માતોની સંખ્યા ધટાડવા સુચન કર્યુ હતુ.અધિક મુખ્ય સચિવ શ્રી એમ. કે. દાસે જણાવ્યુ કે ગુજરાત સરકારમાં રોડ સેફટી એક્ટ 2018  અંતર્ગત છેલ્લા 9 વર્ષમાં રોડ અકસ્માતના દરમાં 46નો ઘટાડો થયો છે અને આગામી વર્ષોમાં વધુ 30નો ઘટાડો કરવા માટે સરકાર કટિબદ્ધ છે. 

આ પ્રસંગે જિલ્લા કલેકટરશ્રીની કચેરી ખાતે ઉપસ્થિત થયેલ અધિકારીઓ અને પદાધિકારીઓ દ્વારા જિલ્લાના રોડ, રસ્તા અને ટ્રાફિક સેફટીના મુદ્દે ચર્ચા કરવામાં આવી હતી. જેમાં નડિયાદના ધારાસભ્ય શ્રી પંકજભાઈ દેસાઈએ નડિયાદ શહેરમાં રોડ અકસ્માતો નિવારણ કરવા જરૂરી માર્ગદર્શન આપ્યું હતું. જિલ્લા કલેકટર શ્રી કે.એલ. બચાણીએ ફોરલાઈન હાઈવે ડિવાઇડર સમારકામ, દાંડી યાત્રા રીંગ રોડ ઉપર રિફ્લેકર લગાવવા, કલેક્ટર કચેરીની સામે રમ્બલ્સ લગાવવા, લો-હાઈટ બમ્પ્સ, કોલેજ રોડ પર કેનાલ બોટલનેકને વ્યવસ્થિત કરવા અને ટ્રાફિક સિગ્નલોની સમસ્યાઓ દૂર કરવા માટે સંબંધિત વિભાગોના અધિકારીઓને સૂચના આપી હતી.

આપ્રસંગે જિલ્લા કલેકટરશ્રીની કચેરી ખાતે નડિયાદના ધારાસભ્ય શ્રીપંકજભાઈ દેસાઈ, નગરપાલિકા પ્રમુખ શ્રીરંજનબેન વાઘેલા, જિલ્લા પોલીસ અધિક્ષક શ્રીરાજેશભાઈ ગઢીયા,જિલ્લા વનસંરક્ષણ અધિકારી શ્રીટી. કરુપ્પાસ્વામી, અધિક નિવાસી કલેકટર શ્રીબી.એસ.પટેલ, ચીફઓફિસર શ્રીરુદ્રેશ હુદડ સહિત અન્યઉચ્ચ અધિકારીઓ ઉપસ્થિત રહ્યા હતા.

આપણ  વાંચો- શિલ્પોત્સવની આંતરરાષ્ટ્રીય શિલ્પ પરિષદનો પ્રારંભ,વિશ્વના 10 દેશોના મૂર્તિકારો જોડાયા