સાઉથની ફિલ્મોની સફળતા પર , નવાઝુદ્દીન સિદ્દીકી-અભિષેક બચ્ચને કર્યો ઇન્ડસ્ટ્રીનો બચાવ

હાલના દિવસોમાં બોલિવૂડની ફિલ્મો બોક્સ ઓફિસ પર સાઉથની ફિલ્મોની સામે પાણી ભરતી જોવા મળે છે. ક્યાંક પુષ્પા, ક્યાંક કેજીએફ 2 સાઉથની આ ફિલ્મોની સામે કોઈ મોટું બી-લિસ્ટ નથી ચાલી રહ્યું. તેની સાથો સાથ હીન્દી બેલ્ટમાં ધીમે ધીમે સાઉથના સુપરસ્ટાર્સનું સ્ટારડમ પણ ફેલાઈ રહ્યું છે. બોલિવૂડમાં સાઉથની ફિલ્મોની રીમેક પણ આડેધડ બની રહી છે. સાથો સાથ મનોરંજન ઇન્ડ્સ્ટ્રીમાં પેન ઈન્ડિયા સ્ટાર્સ અને  ભારતીય કલાકારોની માંગ પણ વધી છે. આના પર બોલિવૂડ એક્ટર અભિષેક બચ્ચનની પ્રતિક્રિયા આવી છે. આ મુદ્દે અભિષેક બચ્ચને હીન્દી ફિલ્મ ઈન્ડસ્ટ્રીનો બચાવ કર્યો છે. બોલિવૂડમાં સાઉથની ફિલ્મોની રિમેક અંગે તે કહે છે કે આ વિચારોની આપ-લે છે. જે બંને તરફથી થાય છે. એવું નથી કે દક્ષિણમાં હીન્દી ફિલ્મો રિમેક નથી બનતી. 

મિડિયા સાથેની વાતચીતમાં અભિષેકે કહ્યું-  આવું શા માટે માનવું જોઇએ. આપણે બધા ભારતીય ફિલ્મ ઉદ્યોગનો જ ભાગ છીએ. ભલે આપણે જુદી જુદી ભાષાઓમાં કામ કરતા હોઈએ પણ આપણે એક જ ઈન્ડસ્ટ્રીમાંથી આવીએ છીએ. આપણે બધા એક જ પ્રેક્ષકો સુધી પહોંચીએ છીએ. ફિલ્મ હીન્દીમાં બને કે અન્ય ભાષાઓમાં, સારી ફિલ્મોની રિમેક હંમેશા બનતી જ આવી છે. આ કોઈ નવી વાત નથી. હંમેશા કન્ટેનની આપ-લે થતી રહી છે. આમાં કંઈક ખોટું નથી.