હોળી પર મૌની રોય પતિ સૂરજ નામ્બિયારના પગે પડી , ફોટો મુકવા પર થઇ ટ્રોલ

આખો દેશ હોળી ધામધૂમથી ઉજવી રહ્યો છે. આવી સ્થિતિમાં બોલિવૂડ કલાકારોની તસવીરો અને શુભેચ્છાઓ પણ સામે આવી રહી છે. આ વખતે ઘણા બોલિવૂડ સેલેબ્સ માટે લગ્ન પછીની આ પહેલી હોળી છે. મૌની રોય પણ તેમાંથી એક છે. મૌનીએ જાન્યુઆરીમાં સૂરજ નામ્બિયાર સાથે લગ્ન કર્યા હતા. આ બંનેની પહેલી હોળી છે. 

મૌનીએ ઈન્સ્ટાગ્રામ પર ફોટો શેર કરીને ચાહકોને તેની પહેલી હોળી ઉજવણીની ઝલક શેર કરી છે. તેણે બધાને શુભકામનાઓ પણ પાઠવી છે. મૌની અને સૂરજના હાથમાં રંગ છે. જોકે ચહેરા પર કોઈ રંગ નથી. એક તસવીરમાં મૌની પણ સૂરજના પગ સ્પર્શ કરતી જોવા મળી રહી છે.

મૌની રોય, આધુનિક હોવાની સાથે પરંપરાઓને હૃદયથી અનુસરે છે. તેણે હોળી પર કેટલીક તસવીરો પોસ્ટ કરી છે. આમાંથી એક ફોટોમાં મૌની તેના પતિના પગને સ્પર્શ કરતી જોવા મળી રહી છે. તેમની આ તસવીર પર લોકોની અલગ-અલગ પ્રતિક્રિયાઓ આવી રહી છે. 

કેટલાક યુઝર્સને તેનું આવું કરવું પસંદ નથી આવ્યું તો કેટલાક મૌની રોયના વખાણ કરી રહ્યા છે. મૌનીએ ફોટો સાથે કેપ્શન લખ્યું, તમારું જીવન હંમેશા રંગો અને ખુશીઓથી ભરેલું રહે. પ્રેમ અને ખુશીઓ સાથે હોળીની શુભકામનાઓ.મૌનીના એક ફોલોવરે લખ્યું છે કે, એક તસવીર પણ પોસ્ટ કરી છે જેમાં તમારો પતિ તમારા પગને સ્પર્શ કરી રહ્યો છે. અન્ય એક ફેન્સે આ ટિપ્પણીને સમર્થન આપ્યું હતું. અને બીજી  કમેન્ટ છે, આ પિકિચર ખરેખર ભારતીય સંસ્કૃતિનો એક સુંદર ભાગ છે, કારણ કે તે તમારા પતિને માન આપવાની રીત છે. બીજી એક ફેને પોસ્ટ કર્યુ છે, તમે છેલ્લે નમી ગયા છો, સમાન બનો અને નબળા નહીં. 

મૌની રોય અને સૂરજ નામ્બિયાર સફેદ આઉટફિટમાં ખૂબ જ સારા લાગી રહ્યા છે. તેમની કેમેસ્ટ્રી ચાહકોને પસંદ આવી રહી છે. મૌનીએ સૂરજ સાથે 27 જાન્યુઆરીએ ગોવામાં લગ્ન કર્યા હતા. સૂરજ મનોરંજન જગત સાથે સંકળાયેલો નથી. તે એક બિઝનેસમેન છે. અહેવાલો અનુસાર, તે અને મૌની 2019માં એક કોમન ફ્રેન્ડની પાર્ટીમાં મળ્યા હતા.