નીરજ ચોપરાએ રચ્યો ઈતિહાસ, ડાયમંડ ટ્રોફી જીતનાર પ્રથમ ભારતીય એથલિટ
ટોક્યો ઓલિમ્પિકમાં ઈતિહાસ રચ્યા બાદ ભારતના સ્ટાર જેવલિન થ્રોઅર નીરજ ચોપરા અટકવાનું નામ નથી લઈ રહ્યા. એક પછી એક નવી સિદ્ધિઓ 24 વર્ષના નીરજના પગ ચૂમી રહી છે. નીરજે બર્મિંગહામે ઈજાના કારણે કોમનવેલ્થ ગેમ્સમાં ભાગ લીધો ન હતો પરંતુ ઈજામાંથી જોરદાર પુનરાગમન કર્યું અને જ્યૂરિચમાં ડાયમંડ લીગ ફાઈનલનું ટાઈટલ જીતીને ઈતિહાસ રચ્યો. 2010માં શરૂ થયેલી લીગની 13મી આવૃત્તિમાં નીરજ આવું કરનાર પ્રથમ
ટોક્યો ઓલિમ્પિકમાં ઈતિહાસ રચ્યા બાદ ભારતના સ્ટાર જેવલિન થ્રોઅર નીરજ ચોપરા અટકવાનું નામ નથી લઈ રહ્યા. એક પછી એક નવી સિદ્ધિઓ 24 વર્ષના નીરજના પગ ચૂમી રહી છે. નીરજે બર્મિંગહામે ઈજાના કારણે કોમનવેલ્થ ગેમ્સમાં ભાગ લીધો ન હતો પરંતુ ઈજામાંથી જોરદાર પુનરાગમન કર્યું અને જ્યૂરિચમાં ડાયમંડ લીગ ફાઈનલનું ટાઈટલ જીતીને ઈતિહાસ રચ્યો. 2010માં શરૂ થયેલી લીગની 13મી આવૃત્તિમાં નીરજ આવું કરનાર પ્રથમ ભારતીય એથ્લેટ પણ બન્યો હતો.
નીરજ ચોપરા ગુરુવારે જ્યૂરિચમાં ઐતિહાસિક ડાયમંડ લીગ ટ્રોફી જીતીને ટ્રોફી જીતનાર પ્રથમ ભારતીય બન્યો છે. ઓલિમ્પિક ગોલ્ડ વિજેતા નીરજે પોતાની શરૂઆત ફાઉલ થ્રોથી કરી હતી. જોકે, તેણે તેના બીજા પ્રયાસમાં 88.44 મીટરનો થ્રો કર્યો અને તે સ્પર્ધામાં પોતાનું નામ બનાવવા માટે પૂરતું હતું. ટોક્યો ઓલિમ્પિક સુવર્ણચંદ્રક વિજેતાએ તેના ત્રીજા પ્રયાસમાં 88મી અને ચોથા પ્રયાસમાં 86.11 મીટરનો થ્રો નોંધાયો હતો. તેનો પાંચમો પ્રયાસ 87m હતો જ્યારે તેનો છેલ્લો પ્રયાસ 83.6m હતો.
Advertisement
નીરજ ચોપરા સારી શરૂઆત કરી શક્યો ન હતો કારણ કે તેનો પ્રથમ પ્રયાસ 'નો થ્રો' જાહેર કરવામાં આવ્યો હતો. દરમિયાન, ચેક ઓલિમ્પિક સિલ્વર મેડલ વિજેતા જેકોબ વડલેબ્ચ 84.15 મીટરના થ્રો સાથે લીડ મેળવી હતી. પરંતુ તેણે તેના બીજા પ્રયાસમાં 88.44 મીટરનો થ્રો કર્યો અને તે તેના માટે મેડલ જીતવા માટે પૂરતું હતું. ચેક રિપબ્લિકનો જેકબ વડલેબ્ચ 86.94 મીટરના શ્રેષ્ઠ થ્રો સાથે બીજા ક્રમે રહ્યો હતો. જર્મનીના જુલિયન વેબર 83.73 મીટરના શ્રેષ્ઠ થ્રો સાથે ત્રીજા સ્થાને રહ્યો.
24 વર્ષીય ભારતીય ભાલા ફેંકનાર નીરજ ચોપરા હવે ઓલિમ્પિક ચેમ્પિયન, વર્લ્ડ ચેમ્પિયનશિપ સિલ્વર મેડલ વિજેતા અને ડાયમંડ લીગ ચેમ્પિયન છે. તેણે છેલ્લા 13 મહિનામાં આ સિદ્ધિઓ હાંસલ કરી છે, જેની સફર 7 ઓગસ્ટ 2021 ના રોજ ટોક્યો ઓલિમ્પિકના ગોલ્ડ મેડલથી શરૂ થઈ હતી.
Advertisement