ભૃગુઋષિ ફ્લાયઓવર બ્રિજ પર પતંગના દોરાથી બચવા માટે પાલિકાએ તાર લગાવ્યા

શિયાળાની ઋતુમાં ઉતરાયણને (Uttarayana)લઇ પતંગ રસીકો ધારદાર દોડી નો ઉપયોગ કરતા હોય છે અને ઘણા લોકો ચાઈનીઝ દોડીનો પણ ઉપયોગ કરતા હોય છે પરંતુ આવી દોરી ના કારણે પતંગ કપાયા બાદ દોરી રોડ ઉપર પડતા ઘણા વાહન ચાલકો અકસ્માતનો ભોગ બનવા સાથે ઇજાગ્રસ્ત થતા હોવાની ફરિયાદો વચ્ચે જીવ પણ ગુમાવતા હોય છે જેના ભાગરૂપે નગરપાલિકા (Municipality)દ્વારા વાહનચાલકોની (Motorists safety)સુરક્ષા માટે લોખંડના તાર લગાવવાની કવાયત કરી છે

ઉતરાયણ પૂર્વે જ પતંગ રસિકો આકાશમાં પતંગ ચગાવવા માટે ઉત્સુક હોય છે પરંતુ ધારદાર દોરીને કારણે નિર્દોષ વાહન ચાલકો પતંગની દોરી નો ભોગ બનતા હોય છે અને ગત વર્ષે ભરૂચ ભૃગુઋષિ ફ્લાય ઓવર બ્રિજ ઉપરથી પસાર થતી એકટીવા ચાલકને પતંગની દોરી નો ઘસારો ગળા ઉપર લાગતા તેનું મોત થયું હતું જ્યારે માસુમ બાળકીનો બચાવ થયો હતો અને સમગ્ર ભરૂચમાં શોકનું મોજુ ફરી વળ્યું હતું ત્યારે તાજેતરમાં ઉતરાયણ પૂર્વે જ કોઈ વાહન ચાલક પતંગની દોરીનો ભોગ ન બને તે માટે ફ્લાય ઓવરબ્રિજ સહિત જાહેર માર્ગો ઉપર વાહનચાલકોની સુરક્ષાના ભાગરૂપે લોખંડના તાર લગાવવાની કવાયત આરંભી દેવામાં આવી છે 

ત્યારે ઉતરાયણ ટાણે વાહન ચાલકો પણ પોતાનું વાહન ધીમી ગતિએ જાહેર માર્ગ ઉપરથી અહંકારી પોતાની પણ સુરક્ષા રાખે તે પણ જરૂરી છે અને ભરૂચમાં ચાઈનીઝ દોરીનું વેચાણ કરનારા તત્વો ઉપર પોલીસ પણ કડક કાર્યવાહી કરે જે રીતે ગઈ વર્ષે થઈ હતી તે રીતે જ આ વખતે પણ વેપારીઓ ઉપર ચાંપતી નજર રાખવામાં આવે અને ચાઈનીઝ દોરીનું વેચાણ કરનારાઓ સામે કાર્યવાહી કરે તે જરૂરી છે

આપણ  વાંચો - કોંગ્રેસના આ બે નેતાઓ આવ્યા સામ સામે, રઘુ દેસાઈએ મલ્લિકાર્જુન ખડગેને પત્ર લખ્યો