ખોડલધામ ખાતે ટ્રસ્ટી મંડળ અને આગેવાનોની બેઠક, નરેશ પટેલે શું કહ્યું ?

કાગવડ ખોડલધામ ખાતે આજે ટ્રસ્ટી મંડળની મહત્વની બેઠક મળી રહી છે જેમાં ખોડલધામના અલગ અલગ ટ્રસ્ટીઓ અને ગુજરાતભરના પાટીદાર અગ્રણીઓ હાજર રહ્યા છે. જો કે આ બેઠકમાં નરેશ પટેલના રાજકારણમાં પ્રવેશ અંગે ચર્ચા થશે કે કેમ વિશે ભારે સસ્પેન્સ જોવા મળી રહ્યું છે. ખોડલધામના પ્રવક્તાએ કહ્યું કે આજની બેઠકમાં નરેશ પટેલના રાજકારણમાં પ્રવેશ અંગે કોઇ ચર્ચા નહી થાય. 

ઉલ્લેખનિય છે કે મંગળવારે ચૂંટણી રણનીતિકાર પ્રશાંત કિશોરે કોંગ્રેસમાં જોડાવા અંગેની ઓફર ઠુકરાવી દીધી હતી અને તેથી જ નરેશ પટેલના રાજકારણમાં પ્રવેશ અંગે આજની બેઠક મહત્વની બની રહી છે. જેથી આજની બેઠક પર સહુની નજર મંડાઇ છે. નરેશ પટેલના રાજકારણમાં આવવા અંગે છેલ્લા ઘણા સમયથી અનેક અટકળો થઇ રહી હતી.  આજની બેઠકમાં નરેશ પટેલના રાજકારણમાં પ્રવેશવાના મુદ્દા સહિતના મુદ્દે ચર્ચા થઇ શકે છે. આ બાબતે સર્વે પણ કરાવાયો છે અને સૂત્રો પાસેથી મળેલી માહિતી મુજબ સર્વેમાં યુવાનોએ કહ્યું કે નરેશ પટેલે રાજકારણમાં પ્રવેશ કરવો જોઇએ જ્યારે પાટીદાર આગેવાનોએ કહ્યું કે નરેશ પટેલની સમાજ કાર્યમાં જરુર છે. 

બીજી તરફ બેઠક પૂર્વે ખોડલધામ સમિતિના પ્રવક્તા હસમુખભાઈ લુણાગરિયાએ નિવેદન આપ્યું હતું કે  આજની બેઠક રૂટિન છે અને  આ બેઠકમા રાજકારણની ચર્ચા કરવામાં આવશે નહીં . નરેશભાઈ રાજકારણમાં જોડાશે કે નહીં તે બાબતે પણ આજે જાહેરાત કરવામાં આવશે નહીં. તેમણે કહ્યું કે   હજી સર્વે બાકી હોવાથી રાજકારણમાં જોડાશે કે કેમ તે બાબતે કોઇ સ્પષ્ટતા આજની બેઠક બાદ નહીં થાય