પૃથ્વીરાજમાં સંયોગિતા બનશે માનુષી છિલ્લર, સેટ પરથી શેર કર્યો અનસીન ફોટો

ફિલ્મમાં અક્ષય અને માનુષી ઉપરાંત સંજય દત્ત, સોનુ સૂદ પણ મહત્વના રોલમાં છે. મિસ વર્લ્ડ 2017 માનુષી છિલ્લર ટૂંક સમયમાં જ ફિલ્મ 'પૃથ્વીરાજ'થી બોલિવૂડમાં ડેબ્યૂ કરવા જઈ રહી છે. માનુષી, યશ રાજ ફિલ્મ્સના આ ઐતિહાસિક ડ્રામામાં બોલિવૂડ સ્ટાર અક્ષય કુમાર સાથે જોવા મળશે. ફિલ્મનું શૂટિંગ શરૂ થઈ ગયું છે, હવે માત્ર ફિલ્મની રિલીઝની રાહ જોવાઈ રહી છે.

તાજેતરમાં માનુષીએ ઈન્સ્ટાગ્રામ પર એક ફોટો શેર કર્યો છે, જેમાં માનુષીનો હાથ એક સ્પીકર પર જોઈ શકાય છે. રસપ્રદ વાત એ છે કે આ ફોટામાં તેણે રાજા-મહારાજાના સમયના ઘરેણા પહેર્યા છે. તો સાદી વાત એ છે કે માનુષીએ ફોટા દ્વારા તેના પાત્રની થોડી ઝલક બતાવી છે. તે પૃથ્વીરાજ ફિલ્મમાં સંયોગિતાના રોલમાં જોવા મળશે. ફોટો સાથે માનુષીએ લખ્યું- 'મારી સંયોગિતા ગ્રુમ ચાલું જ  છે!' અભિનેત્રીએ આ તસવીર સાથે #2MonthsToPrithviraj લખ્યું છે. તેણે કહ્યું હતું- 'સંયોગિતાનું જીવન તેના મૂલ્યો, તેની હિંમત, તેના મૂલ્યોથી ભરેલું છે અને હું ભાગ્યશાળી છું કે રાજકુમારી સંયોગિતાના રોલ માટે તૈયારી કરતી વખતે મને ધણુ નવું જાણવા મળ્યું ,મને આશા છે કે મેં તેના પાત્રને ન્યાય આપ્યો છે. હવે આ ફિલ્મ જોવા માટે હું ખૂબ જ ઉત્સાહિત છું.