મહારાષ્ટ્ર પોલિટિકલ ડ્રામા : હું રાજીનામું આપવા તૈયાર છું, મારી કોઈ મજબૂરી નથી, હું કોઈના પર નિર્ભર નથી: ઉદ્ધવ ઠાકરે

શિવસેના ક્યારેય હિંન્દુત્ત્વથી હટી નથી, બંન્ને એક સિક્કાની બે બાજુ છે. હિન્દુત્ત્વ માટે શિવ સેનાએ શું કર્યું તે બધાં જાણે છે. કેટલાંક લોકો વાતો કરી રહ્યાં છે કે આ બાળા સહેબની શિવસેના નથી રહી 2012માં 2014ની ચૂંટણી હિન્દુત્ત્વના મુદ્દે લડીને જ શિવસેનામા 63 વિધાયક ચૂંટાયા હતાં. જે લોકો આ વાત કરી રહ્યાં છે. તેમને આ નવી શિવસેના તરફથી જ નવા મંત્રી પદ મળ્યાં છે. હાલમાં જે વિધાન પરિષદના ચૂંટણી થઇ તેમાં પણ હું હોટલ પર ગયો હતો. કોઇ બાથરુમ માટે પણ જાય તો પણ લોકો અવિશ્વાસ કરે છે. પરંતુ શિવસેનાની આ નિતિ નથી. અમે શિવસેના પ્રમુખને જે વચન આપ્યું તે નિભાવીએ છીએ. જે કોંગ્રેસ અને એન.સી.પી જેની સાથે આપણે  વર્ષોથી લડતા હતા તેમની સાથે પણ આપણે ગયા. 

શરદ પવારે મને મુખ્યમંત્રીની જવાબદારી લેવા માટે કહ્યું મેં કહ્યું તેથી મારી પાસે કોઇ અનુભવ ન હોવાં છતાં મેં આ જવાબદારી લીધી. મારો કોઇ સ્વાર્થ નથી. રાજનીતિમાં આવું કરવું પડે છે. તમે બધાએ મને પ્રશાસનમાં મદદ કરી આજે મને આશ્ચર્ય થાય છે કે જો કોંગ્રેસ કે એન.સી.પી મને મુખ્યમંત્રી પદ પરથી હટવાનું કહે તો સમજાય પણ મને એ નથી સમજાતું કે વિરોધ પક્ષમાં મારી જ પાર્ટીના લોકો છે, મારી પાર્ટીના જ લોકોને મારી સત્તા નથી જોઇતી તમારે મારી સામે આ કહેવું જોઇએ, તે માટે સુરત જવાની જરુર નથી, મને સત્તામાં મુખ્યમંત્રી પદ પર જબરદસ્તી બેસવાનો કોઇ મોહ નથી. એક કહેવત છે કે કુહાડીનો હાથો જે વૃક્ષ માંથી બને છે તેને જ કાપે છે. અહી પણ આવું જ થાય છે. આનાથી મને દુખ થાય છે. જો શિવસેનાનો કોઇ પણ વિધાયક સામે આવીને માગ કરશે તો હું રાજીનામું તમારા હાથમાં આપીશ , આવી ઘણી  મુશ્કેલી આવી જેનો અમે સરળતાથી સામનો કર્યો જ્યાં સુધી શિવસૈનિકો મારી સાથે છે. મારી કોઇ મજબૂરી નથી .