ભારત અને બાંગ્લાદેશ વચ્ચે શનિવારે સિરિઝની છેલ્લી મેચ, શું પ્રતિષ્ઠા બચાવી શકશે ટીમ ઈન્ડિયા?

IND vs BAN : ભારતીય ક્રિકેટ ટીમ બાંગ્લાદેશના પ્રવાસે છે. અહીં રોહિત શર્માની આગેવાનીમાં ભારતીય ટીમ ત્રણ મેચોની વન-ડે સિરિઝ 2-0થી ગુમાવી દીધી છે. હવે સિરિઝની છેલ્લી અને ત્રીજી મેચ શનિવારે ચાટગાંવમાં રમાવાની છે. આ મેચ જીતીને પ્રતિષ્ઠા બચાવવાનો ભારતીય ટીમનો પ્રયાસ રહેશે.

કેપ્ટન રોહિત શર્મા બીજી મેચમાં જ ઈજાગ્રસ્ત થતા સિરિઝ અધવચ્ચે જ છોડી મુંબઈ આવી જવું પડ્યું છેય રોહિતના સ્થાને ત્રીજી વન-ડે મેચમાં કેએલ રાહુલ કપ્તાની કરશે.

ભારતીય ટીમ બાંગ્લાદેશના ખેલાડી બાંગ્લાદેશ સામેની આ ત્રીજી વન-ડે મેચ જીતી જાય છે તો તે પોતાની શાખ બચાવી લેશે. જો શરૂઆતની બે મેચો પર જેમ જ ત્રીજી મેચમાં પણ ટીમ ઈન્ડિયા હારશે તો આ શરમજનક રેકોર્ડ હશે.

ભારતીય ટીમ અને બાંગ્લાદેશ વચ્ચે આ કુલ પાંચમી વનડે સિરિઝ રમાઈ રહી છે. વર્તમાન શ્રેણી સહિત ટીમ ઇન્ડિયા અત્યાર સુધી 5 વનડે શ્રેણીમાંથી 2 હારી છે. છેલ્લી વખત 2015માં બાંગ્લાદેશે 2-1થી હરાવ્યું હતું. જો આ વખતે ભારતીય ટીમ ત્રીજી મેચ પણ હારી જાય છે તો બાંગ્લાદેશ સામે તેનો પહેલો વ્હાઈટ વોશ હશે. છેલ્લી વખત એટલે કે 2015માં મહેન્દ્ર સિંહ ધોનીની કપ્તાનીમાં ભારતીય ટીમને હારનો સામનો કરવો પડ્યો હતો.

ત્રીજી વનડેમાં આગેવાની કરનારા કેએલ રાહુલ માટે આ મેચ પોતાની પ્રતિષ્ઠા બચાવવા માટે કરો યા મરો જેવી બની રહી છે. જણાવી દઈએ કે, રોહિત શર્મા સિવાય, કુલદીપ સેન અને દીપક ચહર પણ આ છેલ્લી વનડેનો ભાગ નહીં હોય.

આ પણ વાંચો - ટીમ ઇન્ડિયાનો એકવાર ફરી ધબડકો, બાંગ્લાદેશ સામે સીરીઝ હારી