કિયારા અને સિદ્ધાર્થના લગ્નનું લોકેશન ફાઈનલ ! લગ્નની તારીખને લઈને મોટી માહિતી આવી સામે

બોલિવૂડ (Bollywood) એક્ટર સિદ્ધાર્થ મલ્હોત્રા(Siddharth Malhotra)અને કિયારા અડવાણી(Kiara Advani)ને બી-ટાઉનના લવ બર્ડ માનવામાં આવે છે. તેઓ ઘણીવાર એકબીજા સાથે જોવા મળે છે. જો કે તેમણે આ વિશે કોઈ સત્તાવાર જાહેરાત કરી નથી, પરંતુ તે લાંબા સમયથી તેના લગ્નને લઈને ચર્ચામાં છે. હવે માહિતી સામે આવી રહી છે કે બંને 2023માં લગ્નના બંધનમાં બંધાશે. બંનેના લગ્નના લોકેશનથી લઈને તારીખ સુધીની મોટી માહિતી સામે આવી રહી છે.

સૂત્રોના હવાલાથી મળેલ સમાચાર મુજબ તો કિયારા અડવાણી અને સિદ્ધાર્થ મલ્હોત્રા જેસલમેર પેલેસ હોટલમાં લગ્ન કરશે. કડક સુરક્ષા હેઠળ સિદ્ધાર્થ અને કિયારાના ભવ્ય લગ્ન થશે. હાલમાં જ બંને મનીષ મલ્હોત્રાના ત્યાં પણ સાથે પોઝ આપતા જોવા મળ્યા હતા.

સૂત્રો અનુસાર સિદ્ધાર્થ મલ્હોત્રા અને કિયારા અડવાણી વર્ષ 2023માં 6 ફેબ્રુઆરીએ લગ્ન કરવાના છે. તેમની હલ્દી, મહેંદી, સંગીતના કાર્યક્રમો 4 અને 5 ફેબ્રુઆરીના રોજ યોજાશે. કિયારા અને સિદ્ધાર્થના સંબંધોની વાત કરીએ તો બંનેએ કેપ્ટન બત્રાના જીવન પર આધારિત બાયોપિકમાં સાથે કામ કર્યું હતું અને ત્યારથી તેમના સંબંધોની ચર્ચાઓ થઈ રહી હતી. તે જ સમયે, બંને પાર્ટીઓથી લઈને વેકેશન સુધી પણ સાથે જોવા મળે છે. ચાહકો પણ બંનેને ખૂબ પસંદ કરે છે.

વર્ક ફ્રન્ટની વાત કરીએ તો, સિદ્ધાર્થ મલ્હોત્રા સ્પાય થ્રિલર ફિલ્મ 'મિશન મજનૂ'માં મુખ્ય ભૂમિકામાં જોવા મળશે. તેની સાથે દક્ષિણ ભારતીય અભિનેત્રી રશ્મિકા મંદન્ના પણ આ ફિલ્મમાં મહત્વની ભૂમિકામાં જોવા મળશે. આ સિવાય તે ફિલ્મ 'યોદ્ધા'માં પણ જોવા મળશે. જે 07 જુલાઈ 2023ના રોજ રિલીઝ થશે. જ્યારે કિયારા આ વર્ષે સુપરહિટ ફિલ્મ 'ભૂલ ભુલૈયા'માં જોવા મળી હતી. આ સિવાય તાજેતરમાં જ તેની ફિલ્મ 'ગોવિંદા નામ મેરા' ઓટીટી પર રિલીઝ થઈ છે. અભિનેત્રી હવે રામચરણની સાથે કામચલાઉ શીર્ષકવાળી ફિલ્મ #RC15માં જોવા મળશે.

આ પણ વાંચો--વર્ષ 2022માં આ ગુજરાતી ફિલ્મોએ મચાવી ધમાલ,જાણો