કરણ જોહરનું કૂ પર કેમ્પેઇન, 'એક કદમ દેશ કે લીયે..'

ભારતના બહુભાષી સોશિયલ મીડિયા પ્લેટફોર્મ  કૂ એ એક આકર્ષક કેમ્પેઇનની જાહેરાત કરી છે જે યુઝરોને સ્વતંત્રતા દિવસના ઠરાવને અપનાવવા માટે પ્રોત્સાહિત કરે છે. જાણીતા ફિલ્મ નિર્માતા કરણ જોહર દ્વારા લૉન્ચ કરાયેલ, #NayeBharatKaSapna લોકોની લાગણીઓને જોશ આપે છે અને યુઝરોને પુનઃકલ્પિત ભારત માટે સામૂહિક રીતે પરિવર્તન લાવવાના ઠરાવને સ્વીકારવા માટે પ્રેરિત કરે છે.

કૂ પરના યુઝરો ભારતમાં નિર્મિત ઉત્પાદનોનો ઉપયોગ કરીને #GoSwadeshi, સિંગલ-યુઝ પ્લાસ્ટિકને ટાળીને #CleanTheEarth અને પુનઃઉપયોગ, ઘટાડવા, રિપેર અને રિસાયકલની પ્રથા અપનાવીને #FightClimateChange માટે રિઝોલ્યુશન લઈ શકે છે. 

કરણ જોહરે ઉત્પાદનોના રિસાયક્લિંગ અને પુનઃઉપયોગ જેવી ટેવો અપનાવીને આબોહવા પરિવર્તનના મુદ્દા સામે લડવાની પ્રતિજ્ઞા લઈને કેમ્પેઇન ની શરૂઆત કરી હતી.

વિશ્વ માટે ભારતના એક બહુભાષી પ્લેટફોર્મ તરીકે, કૂ આ કેમ્પેઇન દ્વારા, યુઝરોને દેશ માટે તેઓ શું કરવા ઈચ્છે છે તેના પર તેમનો ઠરાવ શેર કરીને સ્વતંત્ર ભારતની 75મી વર્ષગાંઠની ઉજવણી કરવા માટે સશક્તિકરણ કરી રહ્યું છે.

1 ઓગસ્ટથી શરૂ કરીને, 15-દિવસીય અભિયાન લોકોને ભારતના સશસ્ત્ર દળો અને કોવિડ યોદ્ધાઓને સલામ કરવા પ્રોત્સાહિત કરે છે, જેમાં ડૉક્ટરો અને આરોગ્યસંભાળ કાર્યકરોનો સમાવેશ થાય છે, જેઓ સમાજના કલ્યાણ માટે દરરોજ પ્રયત્ન કરે છે.

કેમ્પેઇન પર ટિપ્પણી કરતા, કૂના ચીફ બિઝનેસ ઓફિસર સુનિલ કામથે કહ્યું, “કૂ ભારતની લાગણીને પ્રતિબિંબિત કરે છે, જ્યારે એક અબજ અવાજો માટે અભિવ્યક્તિની ડિજિટલ સ્વતંત્રતા સક્ષમ કરે છે. #NayeBharatKaSapna લોકોને પ્રગતિશીલ ટેવો અપનાવવા પ્રેરિત કરીને અભિવ્યક્તિની નવી સફરનું સંચાલન કરશે. કરણ જોહર દ્વારા આ કેમ્પેઇન શરૂ કરવા બદલ અમને આનંદ થાય છે અને અમે તમામ પ્રતિષ્ઠિત વ્યક્તિઓના આભારી છીએ કે જેઓ તેમના ફોલર્સઓને નયા ભારત માટે સામાજિક કાર્યો હાથ ધરવા પ્રેરિત કરી રહ્યાં છે.

#FightClimateChange પ્રત્યેની તેમની પ્રતિબદ્ધતા વિશે બોલતા, કરણ જોહરે કહ્યું, “આ ક્લાઈમેટ ચેન્જની લડાઈમાં આપણામાંના દરેકની ભૂમિકા ભજવવાની છે. હું #NayeBharatKaSapna માં ભાગ લેવા, કૂ પર બહુભાષી યુઝરો સાથે વાર્તાલાપ કરવા અને આ મુદ્દા વિશે જાગૃતિ ફેલાવવા માટે ઉત્સાહિત છું. આવો આપણે બધા આ સ્વતંત્રતા મહિનામાં હાથ મિલાવીએ અને આપણા ગ્રહ, આપણા દેશ અને આપણા લોકો માટે આપણું બધું જ કરીએ. જય હિન્દ!”

કૂ, એક સમાવિષ્ટ, બહુભાષી, માઇક્રો-બ્લોગિંગ પ્લેટફોર્મ માર્ચ 2020 માં લોન્ચ કરવામાં આવ્યું હતું. તેનો ઉદ્દેશ સમગ્ર વિશ્વના યુઝરોને તેમની માતૃભાષામાં ઑનલાઇન અભિવ્યક્ત કરવા સક્ષમ બનાવવાનો હતો. ભાષા-આધારિત માઈક્રો-બ્લોગિંગના ઈનોવેટર, હાલમાં કૂ 10 ભાષાઓમાં ઉપલબ્ધ છે - હિન્દી, મરાઠી, ગુજરાતી, પંજાબી, કન્નડ, તમિલ, તેલુગુ, આસામી, બંગાળી અને અંગ્રેજી. પ્લેટફોર્મની વિશિષ્ટ વિશેષતાઓમાં અનુવાદની સુવિધાનો સમાવેશ થાય છે જે મૂળ લખાણની ભાવના અને સંદર્ભને જાળવી રાખીને, ઘણી બધી ભાષાઓમાં પોસ્ટના રીઅલ-ટાઇમ અનુવાદને સક્ષમ કરે છે. આ પહોંચને વધારે છે અને યુઝરો માટે વધુ ટ્રેક્શન મેળવે છે. એપ્લિકેશનમાં 40 મિલિયનથી વધુ ડાઉનલોડ્સ છે અને રાજકારણ, રમતગમત, મીડિયા, મનોરંજન, આધ્યાત્મિકતા અને કલા અને સંસ્કૃતિમાં તેમના  ફોલઅર્સઓ સાથે બહુવિધ ભાષાઓમાં જોડાવા માટે 7,000 થી વધુ લોકો દ્વારા સક્રિયપણે લાભ મેળવ્યો છે.