કપિલ શર્માએ નાનાજી બનવા અંગે અનિલ કપૂરને પૂછ્યો સવાલ, મળ્યો જબરદસ્ત જવાબ

 બોલિવૂડના 'ઝક્કાસ' એક્ટર અનિલ કપૂર આ દિવસોમાં પોતાની ફિલ્મ 'થર'ના પ્રમોશનમાં વ્યસ્ત છે. તો અભિનેતા ટૂંક સમયમાં જ નાનાજી બનવાના છે. આ દરમિયાન અનિલ કપૂર ટીવી શો 'ધ કપિલ શર્મા શો'માં પહોંચ્યો હતો. 

આ શોનો એક પ્રોમો વીડિયો રિલીઝ કરવામાં આવ્યો છે. જેમાં અનિલ કપૂરની ધમાકેદાર એન્ટ્રી બતાવવામાં આવી રહી છે, ત્યારે કપિલ શર્મા તેને નાના બનવા અંગે પ્રશ્ન પૂછે છે. આ સવાલ સાંભળીને જ અનિલ કપૂર થોડું વિચારે છે અને પછી એવો જવાબ આપે છે, જેને સાંભળીને બધા ચોંકી જાય છે. માય નેમ ઈઝ લખન ગીત પર ડાન્સ કરીને કલાકારો શોમાં પ્રવેશ કરે છે. 

કપિલ શર્માએ તેને એક સવાલ પૂછ્યો. તે અનિલ કપૂરને પૂછ્યું- 'જ્યારે તમને ખબર પડી કે તમે નાના બનવાના છો, ત્યારે શું તમે તમારી જાતને થોડી મોટી અનુભવી કે પછી તમે પાંચ વર્ષ નાના થઈ ગયા? આ સવાલ પર અનિલ કપૂર બે સેકન્ડ વિચારે છે અને પછી કહે છે, 'જેમ તમે ઘરમાં પરણેલા છો, છતા તમે બહાર બેચલર બનીને જ ફરો છો, તો હું પણ ઘરમાં નાના છું. હું બહાર... કપિલ આના પર વાક્ય પૂરું કરે છે અને કહે છે કે ઝક્કાસ.' અભિનેતાનો આ જવાબ સાંભળીને ત્યાં બેઠેલા તમામ લોકો હસવા લાગે છે. વિડિયોમાં આગળ કપિલ કહે છે, "મને ખબર નથી કે અમારો કેમેરો કયા દેશમાંથી લાવવામાં આવ્યો છે, જે ફક્ત હસનારને પકડે છે." આના પર અનિલ કપૂર જોરથી હસવા લાગે છે. 

ફિલ્મ 'થાર' નેટફ્લિક્સ પર 6 મેના રોજ રિલીઝ થશે. ફિલ્મમાં અનિલ કપૂર, હર્ષવર્ધન કપૂર, ફાતિમા સના શેખ, સતીશ કૌશિક લીડ રોલમાં જોવા મળશે. આ ફિલ્મનું નિર્દેશન રાજ સિંહ ચૌધરી કરી રહ્યા છે. અંગત જીવનની વાત કરીએ તો અનિલ કપૂરની પુત્રી અને અભિનેત્રી સોનમ કપૂર ટૂંક સમયમાં માતા બનવા જઈ રહી છે.