જેઠાલાલ પહોંચ્યા પોતાના મિત્રની દીકરીના રિશેપ્શનમાં, ફેન્સે કહ્યું વાહ

તારક મહેતા કા ઉલ્ટા ચશ્મા ફેમ અભિનેતા દિલીપ જોશી ઉર્ફે જેઠાલાલ તાજેતરમાં અભિનેતા રાકેશ બેદીની પુત્રી રિદ્ધિમા બેદીના રિસેપ્શનમાં જોવા મળ્યા હતા. જ્યારે રાકેશ બેદી એફઆઈઆર અને 'શ્રીમાન શ્રીમતી' જેવા સુપરહિટ શોનો ભાગ રહી ચુક્યા છે, તો બીજી તરફ દિલીપ જોશીએ 'તારક મહેતા કા ઉલ્ટા ચશ્મા'માં જેઠાલાલની ભૂમિકા ભજવીને પોતાની અલગ ઓળખ ઉભી કરી છે. જણાવી દઈએ કે રાકેશ બેદીની પુત્રી રિદ્ધિમા પણ મનોરંજનની દુનિયા સાથે જોડાયેલી છે અને 'સ્ક્રુ અપ્સ સીઝન 2'માં જોવા મળી છે.

રાકેશ બેદીની પુત્રી રિદ્ધિમાના લગ્ન દરમિયાન રેકોર્ડ કરાયેલ એક વીડિયો પાપારાઝીના ઈન્સ્ટાગ્રામ એકાઉન્ટ પર શેર કર્યો છે. વીડિયોમાં તમે જોઈ શકો છો કે રિદ્ધિમા તેના પતિનો હાથ પકડીને સ્કાય બ્લુ કલરના સુંદર ડ્રેસમાં છે. બીજી તરફ રાકેશ બેદી અને દિલીપ જોશી એકબીજાના ખભા પર હાથ મૂકીને મિત્રોની જેમ ઉભા છે.

આ જ વીડિયોમાં 'તારક મહેતા કા ઉલ્ટા ચશ્મા'ના નિર્માતા અસિત કુમાર મોદી પણ જોવા મળ્યા હતા. વીડિયોમાં અસિત દિલીપ જોશીની સાથે ઊભેલા જોઈ શકાય છે. દિલીપ જોષી આ ફંક્શનમાં બ્લુ શર્ટ અને પેન્ટ પહેરીને ગયા હતા, જેની ઉપર તેમણે બ્રાઉન કલરનું હાફ જેકેટ પહેર્યું હતું. બીજી તરફ, રાકેશ કુમાર બેદીએ ગુલાબી શર્ટ સાથે સૂટ પેન્ટ પહેર્યું હતું.

ફેન્સે કોમેન્ટ સેક્શનમાં આ વીડિયો પર પોતાનો પ્રતિભાવ આપ્યો છે. એક યુઝરે કોમેન્ટ સેક્શનમાં લખ્યું, 'જો તમને યાદ હોય તો, આ બંનેએ ટીવી શો 'હમ સબ એક હૈ'માં સોહન અને મોહન નામના ભાઈઓની ભૂમિકા ભજવી હતી. એ જ રીતે, અન્ય યુઝરે કોમેન્ટ કરી, 'બે લેજેન્ડ એકસાથે, એક જ ફ્રેમમાં.' એક વ્યક્તિએ કોમેન્ટ સેક્શનમાં લખ્યું, 'રાકેશ ભાઈ તમને શુભકામનાઓ.'