રશિયા અને યુક્રેનના યુદ્ધ વચ્ચે જાપાનના વડાપ્રધાન પહોંચ્યા ભારત, પીએમ મોદી સાથે વિવિધ મુદ્દે થઈ ચર્ચા

જાપાનના વડાપ્રધાન ફ્યુમિયો કિશિદા ભારતની બે દિવસીય મુલાકાતે નવી
દિલ્હી પહોંચ્યા છે. આ દરમિયાન જાપાનના વડાપ્રધાને પીએમ મોદી સાથે મુલાકાત કરી
હતી. બંને વડાપ્રધાનોએ ભારત અને જાપાન વચ્ચે આર્થિક અને સાંસ્કૃતિક સંબંધોને
પ્રોત્સાહન આપવાના માર્ગો પર ચર્ચા કરી. રશિયા અને યુક્રેન વચ્ચે ચાલી રહેલા યુદ્ધ
દરમિયાન જાપાનના પીએમની આ મુલાકાત ખૂબ જ મહત્વપૂર્ણ માનવામાં આવે છે. જાપાનના વડાપ્રધાન તેમની ભારત મુલાકાત
દરમિયાન દેશમાં 5,000 બિલિયન યેન (US$42 બિલિયન)ના રોકાણની જાહેરાત કરી શકે છે. એક મીડિયા રિપોર્ટમાં
કહેવામાં આવ્યું છે કે આ રોકાણ આગામી 5 વર્ષમાં
કરવામાં આવશે. જાપાનના નિક્કી અખબારે અહેવાલ આપ્યો છે કે 5,000 બિલિયન યેનનું રોકાણ કિશિદાના પુરોગામી શિન્ઝો આબે દ્વારા 2014માં જાહેર કરાયેલ 3,500 બિલિયન યેન
રોકાણ અને ભંડોળ ઉપરાંત હશે.

Advancing friendship with Japan.

Prime Ministers @narendramodi and @kishida230 held productive talks in New Delhi. Both leaders discussed ways to boost economic and cultural linkages between the two countries. pic.twitter.com/GYhHjlarKY

— PMO India (@PMOIndia) March 19, 2022

" title="" target="">javascript:nicTemp();

જાપાન હાલમાં ભારતના શહેરી માળખાકીય વિકાસ તેમજ જાપાનની શિંકનસેન
બુલેટ ટ્રેન ટેક્નોલોજી પર આધારિત હાઈ-સ્પીડ રેલવે પ્રોજેક્ટમાં મદદ કરી રહ્યું
છે. વડાપ્રધાન કિશિદા આર્થિક પરિષદ દરમિયાન જાહેર-ખાનગી ભંડોળની જાહેરાત કરવાના
છે. વધુ એક સમાચાર
પત્રએ જણાવ્યું હતું કે કિશિદા તેમની મુલાકાત દરમિયાન
ભારતમાં જાપાની કંપનીઓ દ્વારા સીધા રોકાણમાં વધારો અને ક્ષમતા વિસ્તરણની પણ
જાહેરાત કરી શકે છે. વડાપ્રધાન નરેન્દ્ર મોદી સાથેની તેમની મુલાકાત દરમિયાન કિશિદા
લગભગ 300 બિલિયન યેનની લોન પર સહમત થવાની
અપેક્ષા છે. અહેવાલમાં કહેવામાં આવ્યું છે કે બંને પક્ષો કાર્બન ઘટાડવા સંબંધિત
ઊર્જા સહયોગ દસ્તાવેજ પર હસ્તાક્ષર કરે તેવી અપેક્ષા છે.

કિશિદા તેમની 2 દિવસની મુલાકાત દરમિયાન વડાપ્રધાન
નરેન્દ્ર મોદી સાથે 14મી ભારત-જાપાન સમિટમાં ભાગ લેશે. તેઓ
વડાપ્રધાન નરેન્દ્ર મોદીના આમંત્રણ પર ભારતની સત્તાવાર મુલાકાતે આવ્યા છે. આ
સમિટમાં બંને પક્ષોને દ્વિપક્ષીય સંબંધોના વિવિધ પરિમાણોની સમીક્ષા કરવાની અને
તેને આગળ લઈ જવાના માર્ગો પર વિચાર કરવાની તક મળશે. આ સાથે રશિયા અને યુક્રેન વચ્ચે ચાલી રહેલા યુદ્ધ દરમિયાન જાપાનના
વડાપ્રધાનની આ મુલાકાત ખૂબ જ મહત્વપૂર્ણ માનવામાં આવે છે. આ દરમિયાન જાપાનના પીએમ
પીએમ મોદી સાથે યુદ્ધને લઈને બગડતી સ્થિતિ અંગે ચર્ચા કરી શકે છે. તમને જણાવી દઈએ
કે યુક્રેન પર હુમલો કર્યા બાદ જાપાને રશિયા પર ઘણા પ્રતિબંધો લગાવ્યા હતા.