જમ્મુ કાશ્મીરમાં નવેમ્બરમાં યોજાઈ શકે છે ચૂંટણી, કાશ્મીરી પંડિતો માટે 2 બેઠક અનામત

સીમાંકન પંચે કેન્દ્રશાસિત પ્રદેશ જમ્મુ અને
કાશ્મીરમાં વિધાનસભા બેઠકો વધારવાનો પ્રસ્તાવ મૂક્યો છે. સીમાંકન પંચે જમ્મુ અને
કાશ્મીર માટે કુલ 7 બેઠકો વધારવાનો
પ્રસ્તાવ મૂક્યો છે. આ પ્રસ્તાવના અમલીકરણ બાદ જમ્મુ-કાશ્મીરમાં વિધાનસભા સીટોની
સંખ્યા 83 થી વધીને 90 થઈ જશે. જસ્ટિસ રંજના
દેસાઈની અધ્યક્ષતામાં જમ્મુ અને કાશ્મીર પરના ત્રણ સભ્યોના સીમાંકન પંચે ગુરુવારે
આ અહેવાલ પર હસ્તાક્ષર કર્યા છે. સીમાંકન પંચનો કાર્યકાળ શુક્રવારે એટલે કે 6 મેના રોજ પૂરો થઈ
રહ્યો હતો. આ સિવાય પંચે કાશ્મીરી પંડિતો માટે વિધાનસભામાં 2 બેઠકો અનામત રાખવાનો પણ પ્રસ્તાવ મૂક્યો છે.