દક્ષિણ આફ્રિકાના ખેલાડીનો કોરોના રિપોર્ટ પોઝિટિવ આવતા ખળભળાટ

ભારત અને દક્ષિણ આફ્રિકા વચ્ચે 5 મેચની T20 શ્રેણીની પ્રથમ મેચ આજે દિલ્હીના અરુણ જેટલી સ્ટેડિયમમાં રમાઈ રહી છે. દક્ષિણ આફ્રિકાએ ટોસ જીતીને પ્રથમ ફિલ્ડિંગ કરવાનો નિર્ણય લીધો છે. જ્યારે ટીમ ઈન્ડિયા પ્રથમ બેટિંગ કરવા મેદાનમાં આવી છે. ઇશાન કિશન અને ઋતુરાજ ગાયકવાડે ઇનિંગની શરૂઆત કરી હતી. આ દરમિયાન દક્ષિણ આફ્રિકાના કેમ્પમાંથી એક ખરાબ સમાચાર સામે આવ્યા છે. ટીમના મહત્વના ખેલાડીનો કોરોના રિપોર્ટ પોઝિટિવ આવ્યો છે.

ટોસ દરમિયાન દક્ષિણ આફ્રિકાના કેપ્ટન ટેમ્બા બાવુમાએ જણાવ્યું કે એઇડન માર્કરામ કોરોના પોઝિટિવ હોવાનું જાણવા મળ્યું છે. આ કારણે તેઓ બહાર થઈ ગયા છે. આ શ્રેણી માટે ભારતીય ક્રિકેટ કંટ્રોલ બોર્ડે કોરોના નિયમોને માફ કરી દીધા છે. ખેલાડીઓ માટે બાયો બબલ બનાવવામાં આવ્યો નથી. જોકે, મેચ પહેલા ખેલાડીઓનો કોરોના ટેસ્ટ ચોક્કસપણે કરવામાં આવી રહ્યો છે. આવી સ્થિતિમાં, શક્ય છે કે પ્રથમ T20 પહેલા ટેસ્ટમાં માર્કરામનો રિપોર્ટ પોઝિટિવ આવ્યો હોય.

દક્ષિણ આફ્રિકા: ક્વિન્ટન ડી કોક (wk), ટેમ્બા બાવુમા (c), રીઝા હેન્ડ્રીક્સ, ડેવિડ મિલર, ટ્રિસ્ટન સ્ટબ્સ, વેઈન પાર્નેલ, ડ્વેન પ્રિટોરિયસ, કેશવ મહારાજ, તબ્રેઝ શમ્સી, કાગીસો રબાડા, એનરિક નોર્ટજે.

ભારત: ઈશાન કિશન, ઋતુરાજ ગાયકવાડ, શ્રેયસ ઐયર, ઋષભ પંત (w/c), હાર્દિક પંડ્યા, દિનેશ કાર્તિક, અક્ષર પટેલ, હર્ષલ પટેલ, ભુવનેશ્વર કુમાર, યુઝવેન્દ્ર ચહલ, અવેશ ખાન.