ઠંડીની સીઝનમાં જાણો શું ખાસિયત છે કચ્છી અડદિયાની ?

હરકાંતભાઈ કંદોઈના જણાવ્યા પ્રમાણે દિવાળી પછી દેવ દિવાળીની શરુઆત થાય ત્યાર બાદ અડદિયા બનાવવાની શરૂઆત થાય છે જે અડદિયા 14 જાન્યુઆરી સુધી બને છે,સ્વાસ્થ્ય માટે ખૂબ જ લાભકારક અડદિયા રહે છે. વર્ષો પૂર્વે તેઓની પેઢી અડદિયા બનાવે છે,કચ્છમાં અડદિયા ખાસ કરીને કંદોઈ પરિવાર અને ખાવડા પરિવાર મીઠાઈ બનાવે છે 

અડદિયા ખાવામાં ખૂબ જ પૌષ્ટિક હોય છે,એક રોજ અડદીયો ખાવ,એટલે આખો દિવસ શરીરમાં ગરમાવો જોવા મળે છે.અડદિયામાંઅડદદાળનોલોટ,મોરોમાવો,ગુંદ,ખસખસ,કિસમિસ,બદામ,કાજુ,દેશી ઘી,ગરમ મસાલો,એલચી, જાયફળ,  ઉપયોગ થાય છે જે શરીર માટે શક્તિ વર્ધક કહેવામાં આવે છે . શરીરમાં સ્ફૂર્તિ લાવે છે તેમજ તાકાત વર્ધક છે

કચ્છના અડદિયા સમગ્ર ભારતના જુદા જુદા શહેરો તેમજ લન્ડન,આફ્રિકા,દુબઇ,કેનેડા,ન્યુયોર્ક,ઓસ્ટ્રેલિયા, યુરોપ સહિતના દેશોમાં પહોંચે છે.દર વર્ષે વિદેશમાં રહેતા લોકો અચૂક અડદિયા મંગાવે છે.કચ્છના અડદિયા ગાંધીનગરમાં મંત્રીઓ,ધારાસભ્યો,અધિકારીઓ સુધી પહોંચે છે.જેઓ સ્વાદ અચૂક માણે છે.કચ્છમાં  અડદિયા મીઠાઈના કારીગરો સિવાય જૈન,લોહાણા, સુથાર સમાજના લોકો પણ બનાવે છે જેઓ પોતાના સમાજ સાથે અન્ય સમાજ માટે પણ વહેંચાણ માટે સ્ટોલ પણ રાખે છે

400થી 800 રૂપિયા કિલો હોય છે ,લોકો હોંશે હોંશે અડળીયાનો સ્વાદ માણવાનું ચૂકતા નથી.કચ્છના મુખ્ય મથક ભુજ,અંજાર,આદિપુર, ગાંધીધામ,રાપર,માન્ડવી,મુન્દ્રા,નખત્રાણા,નલિયાની મીઠાઈની દુકાનમાં અડદિયા અચૂક જોવા મળે છે

કચ્છના અડદિયાનો કલર કાળો હોય છે કારણ કે તેને સંપૂર્ણ રીતે સેકવામાં આવે છે.અને મસાલાથી ભરપૂર હોય છે. જ્યારે ક્ચ્છ બહાર મળતા અડદિયા સફેદ કલરના હોય છે,લોકો કચ્છના અડદિયાની વધુ ડિમાન્ડ કરતા હોય છે.અડદીયા બનાવવા માટે સૌપ્રથમ અડદ દાળ નો લોટ લ્યો તેમાં  નવસેકુ પાણી અને તેમાં  દેશી ઘી નાખો હવે બંને હાથ વડે  લોટને મિક્સ કરી બરોબર મિક્સ થઈ જાય એટલે લોટને સેજ દબાવીને નાખો અને ત્યારબાદ એક બાજુ મૂકી દાબો, દાબો આપવાથી લાડવા એકદમ દાણે દાણા બનશે 

હવે મોરો માવો લઈ તેને ઝીણું સુધારી લ્યો અથવા તેને છીણી લ્યો ત્યારબાદ માવો ગેસ પર એક કડાઈમાં લ્યો અને ધીમા તાપે ચાર પાંચ મિનિટ સુધી શેકો, માવાનો રંગ ગોલ્ડન થાય ત્યાં સુધી શેકો, શેકેલો માવો એક વાસણમાં કાઢી લ્યો, હવે એક કડાઈમાં  ઘી ગરમ કરો ,ઘી ગરમ થાય એટલે તેમાં થોડો થોડો કરી ગુંદને ગોલ્ડન કરી લો ,ત્યારબાદ એક વાસણમાં કાઢી લો ,હવે અડદનો લોટ જે ધાબો આપવા મુકેલ તેને ચારણી વડે ચારી લો ત્યારબાદ એક કડાઈમાં બાકી રહેલું ઘી ગરમ કરવા મૂકી, ગરમ થાય એટલે તેમાં અડદનો લોટ નાખી ધીમા તાપે હલાવતા રહો ગોલ્ડન બ્રાઉન થાય ત્યાં સુધી શેકો ,લોટ શેકાવાની સુગંધ આવે એને લોટમાંથી ઘી છૂટું પડે ત્યાં સુધી શેકો ત્યારબાદ ગેસ બંધ કરી નાખો , થોડી થોડી વાર ચમચા વડે હલાવતા રહો જેથી તળીયામાં રહેલ લોટ બળી ન જાય ,હવે ગેસ પર એક તપેલીમાં ખાંડ લ્યો તેમાં ખાંડ ડૂબે એટલે પાણી નાખો અને ચમચા વડે હલાવતા થી ખાંડને ઓગાડી ,ચાસણી બનાવો ખાંડ પણ તમને ગમતી મીઠાશ મુજબ વધુ ઓછી કરી શકો છો,ચાસણી એક તાર બની કે નહીં ચેક કરવા ચાસણી થોડી ઘટ થાય એટલે એક બે ટપકા એક નાની ડીશમાં મુકો ને સેજ ઠંડા થાય એટલે ડીશ એક બાજુ નમાવોજો ચાસણી ફેલાય નહીં તો બરોબર બની જાય છે . 

અથવા તો અંગૂઠાને આંગળી વડે ચાસણી વડે હાથ વડે ચેક કરી શકો છો ચાસણી બની જાય એટલે ગેસ બંધ કરો હવે ગેસ પર ધીમા તાપે ફરી શેકેલો અડદનો લોટ વાડી કડાઈને મૂકો તેમાં શેકેલો માવો નાંખી બંનેને બરોબર મિક્સ કરો ત્યારબાદ કાજુના કટકા બદામના કટકા કિસમિસ પિસ્તા કટકા થોડી ખસખસ છીણેલું નાળિયેર, તરેલો ગુંદ નાખી મિક્સ કરવો અને ગેસ બંધ કરી નાખો. છેલ્લે તેમાં અડદિયાનો ગરમ મસાલો નાખી મિક્સ કરો બજાર જેવા વધારે મસાલા નાખી શકો છો અથવા તો ગરમ મસાલો તમે વધુ ઓછો નાખી શકો છો . ત્યારબાદ એમાં તૈયાર કરેલી એક તાર ચાસણી નાખી બધું બરોબર મિક્સ કરો અને મિશ્રણ ઘટ્ટ થાય ત્યાં સુધી હલાવતા રહો ,હવે જો તમને લગ્ન પ્રસંગમાં મળતા ગરમાગરમ અળદીયા પાક ખાવું હોય તો આમ જ ગરમ ગરમ પીરસી શકો છો. અથવા તો જુઓ તમારે અડદિયાના કટકા કરવા હોય તો એક ઘી લગાડેલી થાળીમાં મિશ્રણ નાખી ચમચા વડે બધી બાજુ બરોબર દબાવીને ઉપરથી થોડી ખસખસ ને મિક્સ ડ્રાયફ્રુટ છાંટી લ્યો,  બે ત્રણ કલાક ઠંડા થવા માટે મૂકો ત્યારબાદ ચાકુથી તેના પીસ કરી લ્યો , તૈયાર છે અડદિયા અડદિયાના લાડવા બનાવવા હોય તો મિશ્રણ ને પાંચ સાત મિનિટ ઠંડુ થવા દો, ત્યારબાદ મિશ્રણમાંથી હાથ વડે અથવા તો લાડવાને સંચા વડે લાડવા બનાવી લ્યો અને ઉપરથી થોડી ખસખસ ડ્રાયફ્રુટ મૂકી દો,  તૈયાર છે અડદિયા

આપણ  વાંચો -