ગુજરાતમાં આજે બપોરથી અંદાજે 31 ટકા સૂર્ય ઢંકાઇ જશે, અદ્ભૂત નજારો જોવા મળશે

એક બાજુ સુરત (Surat)શહેરમાં દિવાળી (Diwali) પર્વની ઉત્સાહ, ઉમંગભેર ઉજવણી થઈ રહી છે.બીજી બાજુ આજે ખંડગ્રાસ સૂર્યગ્રહણ (solar eclipse)ને પગલે દિવાળી અને નૂતન વર્ષ વચ્ચે એક દિવસનો વિરામ હોવાનું જ્યોતિષીઓ જણાવી રહ્યા છે. આ વર્ષ વર્ષના પાંચ ગ્રહણ પૈકી આ એકમાત્ર અને છેલ્લું ગહણ ભારતમાં દેખાશે,જેને લઇ મંદિરોમાં, ધાર્મિક ક્રિયાઓ ઉપર વેધ પાળવામાં આવ્યો છે. 

સુરતના પ્રખ્યાત મંદિરો બહાર ભક્તોની લાઈનો લાગી છે. સુરતમાં આઠવા લાઈન્સ સ્થિત આવેલા અંબાજી મંદિરને આજે સવારથી બંધ રાખી બેરિકે લગાડવામાં આવ્યા છે. ગ્રહણ હોવાથી મંદિરમાં ભકતોના પ્રવેશ ઉપર પ્રતિબંધ મુકાયો છે.આજે સાંજે 7.30 વાગ્યે મંદિર ખોલી પવિત્ર કરી ફરી બંધ કરી દેવાશે અને આવતી કાલે સવારે નવા વર્ષના દિવસે ભક્તો માટે ફરી ખુલ્લું મુકાશે.

ઉપરાંત કૈલાસનગર સ્થિત ક્ષેત્રપાળ મંદિરમાં સાંજે 7 પછી ભક્તોને પ્રવેશ અપાશે. ગ્રહણના વેધને પગલે શહેરના અન્ય મંદિરોના દ્વાર પણ સાંજે 7 વાગ્યા સુધી બંધ રહેશે,

એક અંદાજ પ્રમાણે સુરતમાં ખંડગ્રાસ સૂર્યગ્રહણની ટકાવારી 31 ટકા રહેશે, ત્યારબાદ ફરી સૂર્ય ધીરે ધીરે આખો દેખાશે. અને સાંજે 6.30 વાગ્યે અરબ સાગરમાં ગ્રહણ પૂર્ણ થશે. ભારતભરમાં વધારે-ઓછી ટકાવારી પ્રમાણે ગ્રહણ દેખાશે. દિલ્હી, રાજસ્થાન, પશ્ચિમી મધ્યપ્રદેશ, ગુજરાત, પંજાબ, ઉત્તરપ્રદેશ, ઉતરાખંડ, જમ્મુ, શ્રીનગર, લેહ લદાખમાં ગ્રહણ દેખાશે, દક્ષિણ ભારતમાં તામિલનાડુ, કર્ણાટક, મુંબઇ, આંધ્રપ્રદેશ, તેલંગણા, ઓરીસ્સા, બિહાર, છત્તીસગઠ, ઝારખંડ અને બંગાળમાં થોડાક સમય માટે જ ગ્રહણ દેખાશે

શહેરના મોટા ભાગના મંદિરોમાં મંગળવારે સવારની નિત્ય પૂજા બાદ સાંજે 7 વાગ્યા સુધી મંદિર બંધ રહેશે. 7 વાગ્યા બાદ મંદિર પરિસર પવિત્ર કર્યા બાદ ભક્તોને પ્રવેશ અપાશે.

આ પણ વાંચો-આજે સૂર્ય ગ્રહણ, જો કે આ મંદિર એવું છે જ્યાં ગ્રહણમાં પણ દર્શન કરી શકાશે