હું નથી ડરતો PM મોદીથી, જે કરવું હોય તે કરી લે : રાહુલ ગાંધી

નેશનલ હેરાલ્ડ કેસની તપાસ કરી રહેલા એન્ફોર્સમેન્ટ ડિરેક્ટોરેટ (ED)એ ગત ​​સાંજ (બુધવાર) એ યંગ ઈન્ડિયાની ઓફિસને સીલ કરી દીધી છે. આ ઓફિસ હેરાલ્ડ હાઉસના પરિસરમાં છે. EDની આ કાર્યવાહી બાદ કોંગ્રેસ હેડક્વાર્ટર પાસે પણ હોબાળો વધી ગયો છે. નેશનલ હેરાલ્ડ કેસમાં એન્ફોર્સમેન્ટ ડિરેક્ટોરેટ (ED)ની કાર્યવાહીને લઈને રાજકીય ગરમાવો વધી ગયો છે. આ વચ્ચે રાહુલ ગાંધીનું નિવેદન સામે આવ્યું છે. તેમણે કહ્યું કે, અમારા અવાજને દબાવવા અને અમને ડરાવવાનો પ્રયાસ કરવામાં આવી રહ્યો છે. 

રાહુલ ગાંધીએ કહ્યું- 'નરેન્દ્ર મોદી અને અમિત શાહ ભલે કંઈ પણ કરે પરંતુ અમે ડરવાના નથી. અમે ઊભા રહીશું. અમે નરેન્દ્ર મોદીથી ડરતા નથી, જે કરવું હોય તે કરી લો. મારું કામ લોકશાહીની રક્ષા અને દેશમાં સદ્ભાવના જાળવવાનું છે. બીજી તરફ નેશનલ હેરાલ્ડ કેસમાં EDની કાર્યવાહીને લઈને લોકસભા અને રાજ્યસભામાં ભારે હોબાળો થયો હતો, જેના કારણે ગૃહની કાર્યવાહી સ્થગિત કરવી પડી હતી.