હોકી વર્લ્ડ કપની આજથી શરૂઆત, સ્પેન સાથે પહેલા મુકાબલા માટે તૈયાર ભારત
હોકીએ ભારતની વારસાનો આવશ્યક ભાગ છે, અને દેશે આ રમતમાં ઘણા પુરસ્કારો જીત્યા છે. 1936ના બર્લિન ઓલિમ્પિકમાં મેજર ધ્યાનચંદના શાનદાર પ્રદર્શનથી લઈને 2020ના ટોક્યો ઓલિમ્પિકમાં ભારતના શાનદાર પુનરાગમન સુધી, હોકી દરેક ભારતીયના હૃદયમાં વિશેષ સ્થાન ધરાવે છે. ત્યારે આજે ભારત હોકી વર્લ્ડ કપ 2023નું આયોજન કરી રહ્યું છે. આજે એટલે કે શુક્રવારથી ભારતીય હોકી ટીમ વર્લ્ડ કપની પહેલી મેચ રમવા તૈયાર છે. ભાàª
હોકીએ ભારતની વારસાનો આવશ્યક ભાગ છે, અને દેશે આ રમતમાં ઘણા પુરસ્કારો જીત્યા છે. 1936ના બર્લિન ઓલિમ્પિકમાં મેજર ધ્યાનચંદના શાનદાર પ્રદર્શનથી લઈને 2020ના ટોક્યો ઓલિમ્પિકમાં ભારતના શાનદાર પુનરાગમન સુધી, હોકી દરેક ભારતીયના હૃદયમાં વિશેષ સ્થાન ધરાવે છે. ત્યારે આજે ભારત હોકી વર્લ્ડ કપ 2023નું આયોજન કરી રહ્યું છે. આજે એટલે કે શુક્રવારથી ભારતીય હોકી ટીમ વર્લ્ડ કપની પહેલી મેચ રમવા તૈયાર છે. ભારતીય ટીમની સામે આજે સ્પેન જોવા મળશે.
Advertisement
Chak de 🇮🇳💙 https://t.co/EXtAtnhDrj
— Hockey India (@TheHockeyIndia) January 13, 2023
FIH મેન્સ હોકી વર્લ્ડ કપ 2023 આજથી શરૂ થવા જઈ રહ્યો છે. 13 જાન્યુઆરીથી 29 જાન્યુઆરી વચ્ચે આ વર્લ્ડ કપમાં 16 દેશો ભાગ લેશે. આ વર્લ્ડ કપ ભારતના ઓડિશા સ્થિત ભુવનેશ્વર અને રાઉરકેલાના સ્ટેડિયમમાં રમાશે. જણાવી દઈએ કે ભારત સતત બીજી એડિશનની યજમાની કરી રહ્યું છે. અગાઉ 2018માં ભારતે ભુવનેશ્વરમાં જ વર્લ્ડ કપનું આયોજન કર્યું હતું. હોકી વર્લ્ડ કપની પ્રથમ મેચ આર્જેન્ટિના અને દક્ષિણ આફ્રિકા વચ્ચે શુક્રવારે 13 જાન્યુઆરીએ બપોરે 1 વાગ્યાથી શરૂ થઇ ગઇ છે. આ મેચ ભુવનેશ્વરના કલિંગા સ્ટેડિયમમાં રમાઇ રહી છે. આ સિવાય ભારત પણ આજે પોતાની પ્રથમ મેચ સ્પેન સામે રમશે. ભારત અને સ્પેનની પ્રથમ મેચ સાંજે 7 વાગ્યે બિરસા મુંડા સ્ટેડિયમ રાઉરકેલા ખાતે રમાશે.
કેવી રીતે રમાશે મેચો?
16 ટીમોને નીચે પ્રમાણે ચાર પૂલમાં વહેંચવામાં આવી હતી
પૂલ A : આર્જેન્ટિના, ઓસ્ટ્રેલિયા, ફ્રાન્સ, દક્ષિણ આફ્રિકા
પૂલ B : બેલ્જિયમ, જર્મની, જાપાન, કોરિયા
પૂલ C : ચિલી, મલેશિયા, નેધરલેન્ડ, ન્યૂઝીલેન્ડ
પૂલ ડી : ઈંગ્લેન્ડ, ભારત, સ્પેન, વેલ્સ
સૌ પ્રથમ, તમામ ટીમો તેમના પૂલની ટીમો સાથે ત્રણ મેચ રમશે અને જે ટીમ સૌથી વધુ મેચ જીતશે તે ક્વાર્ટર ફાઇનલમાં પ્રવેશ કરશે. હવે જોવાનું એ રહે છે કે કોણ જીતશે અને કોણ હારશે? અને શું ભારત દેશ માટે વર્લ્ડ કપ ટ્રોફી જીતવામાં સફળ થશે કે નહીં તે જોવાનું રહેશે.
An electrifying set of matches awaits you on the first day of the FIH Odisha Hockey Men's World Cup 2023 Bhubaneswar-Rourkela. #IndiaKaGame #HockeyIndia #HWC2023 #StarsBecomeLegends pic.twitter.com/bIREMtnFUU
— Hockey India (@TheHockeyIndia) January 13, 2023
ઉલ્લેખનીય છે કે, આ હોકી વર્લ્ડ કપની 15મી આવૃત્તિ છે. ભારતમાં સતત બીજી વખત ટૂર્નામેન્ટનું આયોજન કરવામાં આવી રહ્યું છે, પરંતુ આ વખતે અલગ વાત એ છે કે એક નહીં પરંતુ બે શહેરો તેની યજમાની કરી રહ્યા છે. ગત વખતે મેચ ભુવનેશ્વરમાં જ યોજાઈ હતી જ્યારે આ વખતે રાઉરકેલાનું બિરસા મુંડા સ્ટેડિયમ પણ તૈયાર છે. આ મેગા ઈવેન્ટમાં કુલ 16 ટીમો ભાગ લઈ રહી છે. તમામ ટીમોને 4-4ના ચાર ગ્રૂપોમાં વહેંચવામાં આવી છે. ભારતીય ટીમ ઈંગ્લેન્ડ, સ્પેન અને વેલ્સ સાથે ગ્રુપ ડીમાં છે. લીગ તબક્કામાં દરેક ટીમે 3-3 મેચ રમવાની રહેશે. આ પછી, દરેક જૂથની ટોચની 2 ટીમો ક્વાર્ટર ફાઇનલમાં જશે. ત્યારબાદ અહીંથી ચાર ટીમો સેમીફાઇનલ માટે ક્વોલિફાય થશે. 29 જાન્યુઆરીએ ટોચની બે ટીમો વચ્ચે ફાઇનલ મેચ યોજાશે અને સેમીફાઇનલમાં હારનારી બંને ટીમો બ્રોન્ઝ મેડલ મેચમાં ટકરાશે.
ભારતીય હોકી ટીમ:
પીઆર શ્રીજેશ (ગોલકીપર), ક્રિષ્ના પાઠક (ગોલકીપર), અરમાનપ્રીત સિંહ, સુરેન્દ્ર કુમાર, હરમનપ્રીત સિંહ (કેપ્ટન), વરુણ કુમાર, અમિત રોહિદાસ, નીલમ સંજીપ એક્સ, મનપ્રીત સિંહ, હાર્દિક સિંહ, નીલકંતા શર્મા, શમશેર સિંહ, વિવેક સાગર પ્રસાદ, આકાશદીપ સિંહ, મનદીપ સિંહ, લલિત કુમાર ઉપાધ્યાય, અભિષેક, સુખજીત સિંહ.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) - જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
Advertisement