યુનિફોર્મ સિવિલ કોડને લઇને રાજ્યના મુખ્યમંત્રીશ્રી ભૂપેન્દ્ર પટેલે ટ્વીટ મારફતે જનતાને જણાવ્યું છે કે, રાજ્યમાં સમાન સીવીલ કોડ (Uniform Civil Code)ની આવશ્યકતા ચકાસવા તથા આ કોડ માટેનો મુસદ્દો તૈયાર કરવા સુપ્રિમ કોર્ટ/હાઇકોર્ટના નિવૃત્ત ન્યાયાધીશશ્રીની અધ્યક્ષતામાં ઉચ્ચકક્ષાની સમિતિની રચના કરવાનો મહત્વપૂર્ણ નિર્ણય આજે રાજ્ય મંત્રીમંડળની બેઠકમાં લેવામાં આવ્યો છે.

મોંઘવારી, બેરોજગારી વધી છે, કાયદો અને વ્યવસ્થાની પરિસ્થિતિ કથળી છે, ખેડૂતોની આવક ઘટી છે અને ખર્ચ વધ્યો છે, ભાજપની આગામી ચૂંટણીમાં 70 કરતા ઓછી બેઠક આવી રહી છે તેથી ભાજપ 2022માં કાવતરા અને હથકંડા અજમાવી રહી છે.

ગુજરાતની ચૂંટણી જાહેર થવાને ગણતરીના દિવસો બાકી છે ત્યારે લોકોની સુખાકારી માટે સરકારે પગલાં લેવા જોઈએ. ભાજપે 27 વર્ષની સત્તાની અંતિમ યાત્રા નીકળવાની છે ત્યારે આ વાત લાવી છે મૂળ પ્રશ્નોથી ધ્યાન હટાવવા યુનિફોર્મ સિવિલ કોડની વાત ભાજપ લાવ્યું છે. કોમન સિવિલ કોડ લાવી શકાય, વિચારણા કરી શકાય, ગુજરાતમાં કોમન સિવિલ કોડની માગણી કોણે કરી. મુસ્લિમ, બોદ્ધ, પારસી, શીખ અલગ અલગ સિવિલ કોડનું પણ પાલન નથી કરાવી શકતા. 27 વર્ષમાં કોમન સિવિલ કોડ લાવવાનું ના શુઝ્યું. લોકોએ કચકચાવીને સરકારને ઉખેડી ફેંકવાનું નક્કી કર્યું છે માટે આ કોમન સિવિલ કોડ લાવ્યા છે.

આ પણ વાંચો - ગુજરાતમાં યુનિફોર્મ સિવિલ કોડની તૈયારી, જાણો ક્યારે લેવાશે નિર્ણય