ગેસ સિલિન્ડર, CNG બાદ હવે PNGના ભાવમાં રૂ.5.85નો વધારો
દેશમાં મોંઘવારી આસમાને પહોંચી છે. ગેસ હોય કે પેટ્રોલ તમામ વસ્તુની કિંમતમાં ધરખમ વધારો થઈ રહ્યો છે. ઘરેલુ ગેસના ભાવ વધારાની અસર 24 કલાકમાં સામાન્ય લોકો પર પડવા લાગી છે. રાજધાની દિલ્હીમાં શુક્રવારે
CNGના ભાવમાં વધારો કર્યા બાદ હવે PNGની કિંમતોમાં પણ વધારો કરવામાં આવ્યો છે. આ નિર્ણયની સીધી અસર લોકોના
ખિસ્સા પર થવાની છે અને તેની અસર રસોડાના બજેટ પર પડી શકે છે.
હવે પીએનજીનો દર આટલો વધી ગયો છે
ઈન્દ્રપ્રસ્થ ગેસ લિમિટેડ (IGL) એ જણાવ્યું હતું કે પાઇપ દ્વારા રસોડામાં પહોંચતા PNGની કિંમતમાં પ્રતિ SCM રૂ. 5.85નો વધારો કરવામાં આવ્યો છે. આ વધેલી કિંમતો આજથી એટલે કે 01 એપ્રિલ 2022થી અમલમાં આવી છે. હવે ગૌતમ બુદ્ધ
નગરમાં PNGની કિંમત આજથી 41.71/SCM થઈ ગઈ છે.
સીએનજીના ભાવમાં પણ આટલો વધારો થયો છે
આ પહેલા ઈન્દ્રપ્રસ્થ ગેસ લિમિટેડ (IGL) એ પણ CNGની કિંમતો વધારવાની જાણકારી આપી હતી.
દિલ્હીમાં CNGની કિંમતમાં 80 પૈસા પ્રતિ કિલોનો વધારો કરવામાં આવ્યો છે. ઈન્દ્રપ્રસ્થ ગેસ
લિમિટેડની વેબસાઈટ પર આપવામાં આવેલી માહિતી અનુસાર તાજેતરના વધારા બાદ દિલ્હીમાં સીએનજીની કિંમત 60.81 રૂપિયા પ્રતિ કિલો થઈ ગઈ છે. જે અત્યાર સુધી 60.01 રૂપિયા પ્રતિ કિલો હતી. વાહનોમાં ઈંધણ તરીકે ઉપયોગમાં લેવાતા CNGની વાત કરીએ તો છેલ્લા 6 મહિનામાં દેશના
કેટલાક શહેરોમાં તેની કિંમત 37 ટકા મોંઘી થઈ ગઈ છે.
કોમર્શિયલ સિલિન્ડર 250 રૂપિયા મોંઘું
શુક્રવારે સવારે જ 19 કિલોના કોમર્શિયલ સિલિન્ડરની કિંમતમાં
250 રૂપિયાનો વધારો કરવામાં આવ્યો હતો. આ પછી
દિલ્હીમાં તેની કિંમત 2,253 રૂપિયા પર પહોંચી ગઈ છે. ગયા વર્ષે 3 નવેમ્બરે એક્સાઇઝ ડ્યુટીમાં ઘટાડા બાદ ડીઝલ-પેટ્રોલના ભાવ મહિનાઓ
સુધી સ્થિર રહ્યા હતા. ગયા મહિને 22 માર્ચથી દરરોજ ભાવ વધારવાની પ્રક્રિયા ફરીથી શરૂ થઈ. આ દરમિયાન માત્ર 2 દિવસ એવા હતા જ્યારે ડીઝલ-પેટ્રોલના ભાવમાં વધારો થયો ન હતો. આ 11 દિવસમાં ડીઝલ અને પેટ્રોલના ભાવમાં પ્રતિ લીટર 6.40 રૂપિયાનો વધારો થયો છે. હાલમાં જ રાજધાની દિલ્હી સહિત અનેક શહેરોમાં
પેટ્રોલ ફરી સદીને આંબી ગયું છે.
24 કલાકમાં મોંઘવારીનો ત્રણ ગણો આંચકો
જો કે દિલ્હી-એનસીઆરના
લોકોએ એક જ દિવસમાં સિલિન્ડર, સીએનજી અને પીએનજીના વધેલા ભાવના
ત્રિવિધ ફટકાનો સામનો કરવો પડ્યો છે. તો બીજી તરફ કેટલાક શહેરોમાં લોકોને
આજથી મોટી રાહત મળી છે. મહારાષ્ટ્ર સરકારે 1 એપ્રિલથી CNG અને PNG પર વેટ 13.5 ટકાથી ઘટાડીને 3 ટકા કરવાની જાહેરાત કરી હતી. આ પછી વિતરક મહાનગર ગેસે મુંબઈમાં
સીએનજીના ભાવમાં 6 રૂપિયા પ્રતિ કિલોનો ઘટાડો કર્યો હતો,
જે આજથી અમલમાં આવ્યો છે. તો સાથે સાથે રસોડામાં પહોંચતા પાઈપ્ડ નેચરલ ગેસના ભાવમાં પ્રતિ SCM રૂ. 3.50નો ઘટાડો કરવામાં આવ્યો હતો.
મહારાષ્ટ્રના અન્ય શહેર પુણેની વિતરક કંપની ટોરેન્ટ ગેસે પણ કિંમતમાં ઘટાડો કર્યો
છે. હવે પૂણેમાં સીએનજીની કિંમત 62.90 રૂપિયા પ્રતિ
કિલો થઈ ગઈ છે જે ગઈકાલ સુધી 68.90 રૂપિયા પ્રતિ કિલો હતી.