હાર્દિક પટેલે હિંદુવાદી પાર્ટી જોઈન કરવી જોઈએ: સંત નૌતમ સ્વામી

ગુજરાતમાં આ વર્ષના અંતમાં વિધાનસભાની ચૂંટણી યોજાવાની છે. જેને લઇને તમામ પક્ષ પૂરી તૈયારી કરી રહ્યા છે. આ વચ્ચે આજે વિરમગામ રાજ્યના રાજકારણનું કેન્દ્ર બિંદુ બનવા જઇ રહ્યું છે. મહત્વનું છે કે, હાર્દિક પટેલના પિતાની પુણ્યતિથિને લઈને વિરમગામ ખાતે આજે આયોજન કરવામાં આવ્યું છે.

હાર્દિક પટેલે ટ્વીટ કરતા લખ્યું, આજે મારા આદરણીય પિતાજીની પ્રથમ પુણ્યતિથિ છે. આ પ્રસંગે આજે મારા વતનમાં રામ ધૂન, બ્રહ્મભોજન અને સુંદરકાંડના પાઠનો ધાર્મિક કાર્યક્રમ છે. મારા પિતાજી દરરોજ શ્રીમદ ભાગવત ગીતાનો પાઠ કરતા હતા, આજે હું તેમની યાદમાં 3500 શ્રીમદ ભાગવત ગીતાનું વિતરણ કરીશ.

ગુજરાતની રાજનીતિનીમાં એક યુવા ચહેરા તરીકે જો કોઇ શખ્સને યાદ કરવામાં આવે તો હાર્દિક પટેલનું નામ મોખરે જોવા મળશે. જીહા, હાર્દિક પટેલ ગત ગુજરાત વિધાનસભા ચૂંટણીથી રાજ્યની રાજનીતિમાં ઝળક્યો હતો. જોકે, હવે તે કોંગ્રેસ પાર્ટી સાથે જોડાઇ ચુક્યો છે. તાજેતરમાં તેના કોંગ્રેસ પક્ષ છોડવાને લઇને ઘણા તર્ક-વિતર્કો થઇ રહ્યા છે. આ વચ્ચે આજે વિરમગામ રાજ્યનું રાજકારણનું કેન્દ્ર બિંદુ બનવા જઇ રહ્યું છે. આજે હાર્દિક પટેલ તેમના વતન વિરમગામ ખાતે તેમના પિતાની પુણ્યતિથિ પર શ્રધ્ધાંજલિ કાર્યક્રમ રાખવામાં આવ્યો છે. મહત્વનું છે કે, સવારે 6.30 વાગ્યાથી રામધૂન તથા ગુરુના આશીર્વચનનો કાર્યક્રમ શરૂ થયો છે. બપોરે 12 વાગ્યે રામભોજન અને ત્યારબાદ બપોરે 3 વાગ્યે સુંદરકાંડના પાઠ થશે. આ સમગ્ર કાર્યક્રમની સૌથી આકર્ષક બાબત એ છે કે, આ માટે હાર્દિક પટેલે ભાજપ અને કોંગ્રેસના નેતાઓને આમંત્રણ પાઠવ્યું છે. વળી આજે વિરમગામમાં ભાજપ અને કોંગ્રેસના પ્રદેશ પ્રમુખ હાજર રહે તેવી શક્યતા છે. ઉપરાંત કોંગ્રેસના પ્રભારી સહિતના ધારાસભ્યો પણ હાજર રહેશે. 

આદરણીય પિતાની પ્રથમ પુણ્યતિથિ પર આયોજિત રામ ધૂન પર સત્સંગના સ્થળે ભગવાન શ્રી રામની અદભૂત મૂર્તિની પૂજા કરી. જીહા જય શ્રી રામ

છેલ્લા ઘણા સમયથી હાર્દિક પટેલને લઇને રાજ્યની રાજનીતિમાં ગરમાવો આવ્યો છે. ત્યારે આજે હાર્દિક પટેલે તેમના પિતાની પુણ્યતિથી પર ભાજપ અને કોંગ્રેસના નેતાઓને આમંત્રણ આપી વધુ એકવાર સસ્પેન્સ ક્રિએટ કરવાનું કામ કર્યું છે. હાર્દિક પટેલની કોંગ્રેસ પાર્ટી તરફી નારાજગી વચ્ચે આજે વિરમગામમાં રાજકીય ડ્રાર્માના દ્રશ્યો સર્જાય તેવી પણ સૂત્રો દ્વારા માહિતી મળી રહી છે. આ કાર્યક્રમમાં આજે બપોરે 3 વાગ્યે CM ભૂપેન્દ્રભાઈ પટેલ પણ ઉપસ્થિત રહેશે. મુખ્યમંત્રીની સિક્યુરીટી માટે વિવિધ વિભાગના અઘિકારીઓને બંદોબસ્તની ફાળવણી કરવામાં આવી છે. વિરમગામના આઇટીઆઇ કેન્દ્ર કમ્પાઉન્ડમા હેલીપેડ બનાવાયું છે. હાર્દિકના પિતા ભરતભાઇ પટેલની પુણ્યતિથી નિમિત્તે શ્રધ્ધાંજલિ કાર્યક્રમમાં રામધૂન, ગુરૂ અમૃતવાણી, સુંદરકાંડના પાઠ અને રામભોજન પ્રસાદનું આયોજન કરાયું છે.