"આત્મનિર્ભર ભારત કા સફર સ્વાવલંબન કી ઔર" ના નારા સાથે સાયકલ રેલીને ગુજરાત NCCએ લીલી ઝંડી બતાવી

શનિવાર 07 જાન્યુઆરી 2023 ના રોજ ગુજરાત એનસીસી (NCC) એ તેના સ્થાપનાના 75 ગૌરવપૂર્ણ વર્ષની ઉજવણી કરી હતી અને સ્વાવલંબન' (સ્વ-નિર્ભર) તરફ વિકાસ અને પ્રગતિના માર્ગે આગળ વધવા માટે આપણા પૂર્વજોએ આપેલા અમૂલ્ય બલિદાનોના સંદેશને ફેલાવવા માટે આજ રોજ અમૂલ ડેરી, આણંદ ખાતે યોજાયેલી સાયકલ રેલી (Cycle Rally)ને ફ્લેગ ઓફ (flag off) કરી હતી.

'આત્મનિર્ભર ભારત કા સફર સ્વાવલંબન કી ઔર'ની ભાવના સાથે આ સાયકલ રેલી સાબરમતી આશ્રમથી દાંડી સુધી 09 જાન્યુઆરીથી 14 જાન્યુઆરી 2023 સુધી યોજવાનું આયોજન કરવામાં આવ્યું છે. આ સાયકલ રેલીમાં પચીસ યુવા એનસીસી (NCC) કેડેટ્સનો સમાવેશ થાય છે. જે 409 કિલોમીટરનું અંતર કાપશે. આ આઠ દિવસની સાયકલ રેલીનું આયોજન સાબરમતી આશ્રમથી દાંડી સુધી કરવામાં આવ્યું છે, જે 'દાંડી કૂચ' દરમિયાન મહાત્મા ગાંધીના પગલાને યાદ કરે છે. મહાત્મા ગાંધી દ્વારા તેમની યુગનિર્માણ યાત્રા દરમિયાન “સ્વાવલંબન' ની ભાવનાના બીજ એનસીસી કેડેટ્સ દ્વારા એકતા, માનવતા, દેશભક્તિ અને આત્મનિર્ભરતાનો સંદેશો ફેલાવવામાં આવે છે. આ સાયકલ રેલી, મોટર સાયકલ રેલી સાથે ભળી જશે જેનું આયોજન દાંડીથી દિલ્હી સુધી કરવામાં આવ્યું છે અને આ મોટરસાઇકલ રેલી 28 જાન્યુઆરી 2023 ના રોજ દિલ્હી ખાતે વડાપ્રધાનની NCC રેલીમાં સમાપ્ત થશે.

આ સાયકલ રેલી ઐતિહાસિક 'દાંડી પથ' સાથે ગુજરાતના અંતરિયાળ વિસ્તારોમાંથી પસાર થશે અને લોકો સાથે આઝાદીના મૂલ્ય અને સ્વનિર્ભરતાની જરૂરિયાતનો સંદેશ ફેલાવશે. આ સાહસિક પ્રવાસના આઠ દિવસ દરમિયાન, રેલી સાબરમતી આશ્રમથી શરૂ કરીને નવાગામ, માતર, કંકાપુરા, કારેલી, અંખી, આમોદ, સમની, માંગરોળ, ઉમરાચી, ભાટગામ, દેલાડ, છાપરાભાટા, વંજ અને મટવાડ સુધીના તમામ પંદર ગાંધી આશ્રમોને આવરી લેશે. આ સાયકલ રેલી ખરેખર સાહસ અને દ્રઢતાની ભાવનાનું પ્રતીક છે, જે આત્મનિર્ભરતા હાંસલ કરવાની આપણા રાષ્ટ્રની શોધને દર્શાવે છે. એકતા અને દ્રઢતાની ભાવનાને આગળ વધારતા, ભારતની વિકાસગાથાના આ નિર્ણાયક તબક્કે, "સ્વાવલંબનના માર્ગો તરફ બૌદ્ધિક, ભૌતિક અને આર્થિક ક્ષેત્રના ક્ષેત્રોમાં આપણી બહુવિધ સંભાવનાઓને સાકાર કરવી વધુ મહત્વપૂર્ણ છે.