કિંગ ખાન સામેની અરજી ગુજરાત હાઇકોર્ટે રદ્દ કરી, જાણો શું છે સમગ્ર મામલો

વર્ષ 2017માં રઈસ ફિલ્મના પ્રમોશનને લઈ  સર્જાયો હતો વિવાદ. વડોદરા સ્ટેશને 23 જાન્યુઆરી 2017ના રોજ રાત્રે 10 વાગ્યે ફિલ્મ અભિનેતા  શાહરૂખ ખાન મુંબઈથી દિલ્હી જતી ઓગસ્ટ ક્રાંતિ ટ્રેનમાં ફિલ્મ રઈસના પ્રમોશન માટે આવ્યો હતો. ટ્રેનના કોચ નંબર A-4માં, કે જ્યાં તેનું બુકિંગ ન હતું,  છતાં ત્યાંથી  પ્રમોશનલ એક્ટિવિટી કરી હોવાનો આરોપ હતો. અભિનેતાના શાહરૂખ ખાનના આગમનથી રેલવે સ્ટેશનના પ્લેટફોર્મ નંબર 6 પર  ફેન્સની ભારે  ભીડ એકઠી થઈ હતી.  અભિનેતા શાહરૂખે ઉમટેલી ભીડ તરફ પોતાનું  ટીશર્ટ અને બોલ ટોળામાં ફેંક્યા, આ બાદ તુરંત જ  અફરાતફરી મચી જતાં પોલીસે લાઠીચાર્જ કરવાની ફરજ પડી હતી. આ  ઘટનામાં ત્યાં હાજર એક વ્યક્તિનું મોત થયું હતું. જ્યારે કેટલાક લોકોને ઈજા પણ થઈ હતી.