ટ્રેન મારફતે દારૂની હેરાફેરી કડક કાર્યવાહી સાથે બંધ કરાશે, વેસ્ટન રેલવેના જીએમ ગાંધીધામની મુલાકાતે

વેસ્ટન રેલવેના જનરલ મેનેજેર અશોક મિશ્રાએ આજે બુધવારે કચ્છના ગાંધીધામથી  ભચાઉ અને ધાંગ્રધા સુધીના રેલવે મથકોની મુલાકાત લીધી હતી અને જાત માહિતી મેળવી હતી.  ગુજરાતમાં દારૂબંધી હોવા છતાં રેલવે માર્ગે દારૂની તસ્કરીના મુદે  આ ઉચ્ચાધઇકારીઓ કડક કાર્યવાહીનો આદેશ આપીને આ ગેરકાનુની પ્રવતિ સજજડ રીતે બંધ કરાશે તેમ જણાવ્યું હતું. આ ઉપરાંત ગુજરાતમાં વધતા પ્રવાસન સાથે  રેલવે વિભાગ પણ પ્રવાસીઓ માટે જરૂરી તમામ પગલા ભરશે તેમ કહયું હતુ. 

ગાંધીધામ રેલવે મથક પર આજે સવારથી જ ભારે ધમાચકડી મચી હતી. દરેક વિભાગ પોતાની તમામ તૈયારીઓ સાથે  જનરલ મેનેજર સમક્ષ ખડું થઈ ગયું હતું. જીએમ અશોક મિશ્રાએ પ્રથમ રેલવે સ્ટેશનની મુલાકાત લીધી હતી. આ પછી ગુડઝ શેડમાં બનેલા ગોદામોનું નિરીક્ષણ કર્ય હતું ઉપરાંત ગાંધીધામ ચેમ્બરના પ્રમુખ તેજા કાનગડ સહિતના પ્રતિનિધિ મંડળ, ફેડરેશન ઓફ કચ્છ ઈન્ડસ્ટીઝ એસો અને સ્થાનિર રેલ સમિતિના સદસ્યો સાથે મુલાકાત કરી હતી. 

પત્રકારો સાથે વાત કરતા તેમણે જણાવ્યુ હતું, કે પાંચ વર્ષ પછી જનરલ મેનેજરનું ઈન્સપેકશન થઈ રહયુ છે ત્યારે વિવિધ માંગો સામે આવી છે. જેની પર કામ થશે. આ ઉપરાંત  રેલવે માર્ગે દારૂની તસ્કરી મહત્વનો મુદો છે જે માટે તમામ સ્ટેશન પર સખત કાર્યવાહી કરવામાં આવશે. ગુજરાતમાં વધતા પ્રવાસન સાથે રેલવે વિભાગ પણ તાલમેલ બેસાડીની પ્રવાસીઓની વધુમાં વધુ સેવાઓ ઉભી કરશે. 

ઈલેક્રટીફિકેશનનું કામ ચાલી રહયું છે. આ કામ પુર્ણ થતા  ટાઈમિંગમાં ફેરફાર સાથે સુવિધા વધારી દેવાશે.  વિકાસ સાથે માલ પરીવહન રહયું છે. ત્યારે રેલવે વિભાગ પણ તમામ સુવિધાઓ ઝડપભેરે ઉભી કરી રહયું છે જેથી ટ્રેડની માંગને પહોંચી શકાશે.  ગાંધીધામ અમદાવાદ  ઈન્ટરસિટી ટ્રેન આગામી સમયમાં શરૂ થઈ જશે.  ગોપાલપુરી સ્ટેશનનો વિકાસ કરવાનું પ્લાનિગં છે જેનું કામ ગતિમા છે.  કચ્છમાં રેલવે ફાટકની સમસ્યાઓ સામે સ્થાનિક તંત્રને સાથે રાખીને  જે ફાટકોમાં સમસ્યા છે. તેનો ઉકેલ લાવવાનો પ્રયાસ કરાશે.

આ પણ વાંચો - ગઢડા તાલુકાના ઢસા ગામની ધો. 10 વિઘાથીનીએ રાષ્ટ્રીય કક્ષાએ ગુજરાતનુ નામ રોશન કર્યું