સુરતમાં આજથી 3 દિવસ સુધી ગ્લોબલ પાટીદાર બિઝનેસ સમિટ, વડાપ્રધાન મોદીએ કર્યું વર્ચ્યુઅલ ઉદ્ધાટન

સરદારધામને વડાપ્રધાન નરેન્દ્ર મોદીએ અપીલ કરી છે કે, દસ પંદર ગ્રૂપ બનાવો અને તેમાં 25 થી 30 ટકા વડીલો હોય. બાકી 40 50 ટકા યુવાનો હોય. ગુજરાતમાં કે દેશમાં આગળ વધવું હોય તો શું કરી શકાય તે વિષય પર કામ કરાવો. સરકારની નીતિઓમાં પણ કોઈ ઉણપ જણાય તો તે બાબતે સરકારનું ધ્યાન દોરે. તમારા આ ગ્રૂપ આ બધું ડોક્યુમેન્ટેશન કરીને મારો સમય માંગશે તો હું એમને મળવા તૈયાર છું.

ભારત સરકાર જે નેશનલ એજ્યુકેશન પોલિસી લાવી છે તેને આટલો આવકાર મળે તે એક મોટી ઘટના છે. આ પોલિસીની સ્ટડી કરીને ગુજરાત માં 100% લાભ લેવા માટે આપણે નીતિ નિર્ધારણમાં શુ બદલી શકીએ તે વિચારો.આપણે આટલા બધા આગળ વધ્યા તો આપણી ખેતી કેમ નહીં. ગુજરાતની ખેતી આધુનિક બનાવવા માટે જમીનોનો સર્વે કરવા ટિમ બનાવો. આખી દુનિયાનું પેટ ભરવાની તાકાત છે આપણા ગુજરાતમાં.  એગ્રીકલ્ચર યુનિવર્સીટીની પણ મદદ લો. જો ડેરી ઉદ્યોગ ન વિકસ્યો હોત તો આપણી શુ પરિસ્થિતિ હોત. તેના જેવી જ તાકાત કૃષિ પેદાશોને મળી શકે તે માટે પ્રયત્નો કરવા જોઈએ

ગુજરાત જે દિશામાં જવા માગે છે તેમાં આપણું જડ ખેતી જ છે. ખેતીના ક્ષેત્રમાં ઈન્વેસમેન્ટ કરવા પર ભાર મુક્યો . ગુજરાતની ખેતીને આધુનિક બનાવવા કહ્યું. આખી દુનિયાનું પેટ ભરવાની તાકાત ખેતીમાં છે. એગ્રો બેઝ ઇન્ડ્રસ્ટ્રીઝ ફૂડ પ્રોસેસિંગ ખોબ મોટું ક્ષેત્ર છે. 

 દેશવાસીઓ, જે શેરીમાં નાનો વેપાર કરે છે, તે પોતાને આજે ભારતની વિકાસગાથા સાથે જોડાયેલો અનુભવે છે. પહેલીવાર, શેરીમાં નાના વિક્રેતાઓને પણ PM સ્વાનિધિ યોજનામાંથી ઔપચારિક બેંકિંગ સિસ્ટમમાં ભાગીદારી મળી છે. તાજેતરમાં અમારી સરકારે આ યોજનાને ડિસેમ્બર 2024 સુધી લંબાવી છે.