અમદાવાદની GCS હોસ્પિટલને NABH દ્વારા માન્યતા મળી

અમદાવાદની જીસીએસ હોસ્પિટલને ગુણવત્તાયુક્ત આરોગ્યસંભાળ પૂરી પાડવા માટે NABH દ્વારા માન્યતા પ્રાપ્ત થઈ છે. NABH પ્રમાણિત અમદાવાદની સર્વપ્રથમ મેડિકલ કોલેજ સંલગ્ન 1000-બેડ મલ્ટી-સ્પેશિયાલિટી હોસ્પિટલ છે. 

આ નિમિતે જીસીએસ હોસ્પિટલના સીઈઓ કર્નલ ડો. સુનિલકુમાર રાવે જણાવ્યું હતું કે, "NABH માન્યતા એ કોઈપણ હોસ્પિટલ માટે એક મુખ્ય પડાવ છે કારણ કે તે એ હોસ્પિટલની સુવિધાઓની ગુણવત્તા અને સલામતી ધોરણોના ઉચ્ચતમ ધોરણોને પૂર્ણ કરે છે. જીસીએસ હોસ્પિટલને તાજેતરમાં મળેલાં એનએબીએચ એક્રેડિટેશન એ તમામ સ્ટાફના અથાગ મહેનતનું પરિણામ છે. જે જીસીએસ હોસ્પિટલ દ્વારા દર્દીઓની સંભાળમાં ગુણવત્તા માટેની કટિબદ્ધતાનું પાલન સૂચવે છે." શ્રેષ્ઠ તબીબી કુશળતા, અલ્ટ્રા-મોડર્ન ઇન્ફ્રાસ્ટ્રકચર અને સુવિધાઓ તેમજ સમાજ સેવાના ઉદ્દેશ સાથે, જીસીએસ હોસ્પિટલ આજે સમાજના તમામ પ્રકારના લોકોને નજીવા દરે નિદાનથી લઇ સારવાર આપવા કાર્યરત છે.