કોમનમેનની વ્યથાને કોમેડીકથામાં રુબરુ કરાવનાર ' ગજોધર ભૈયા'ની પેટપકડીને હસાવતી પળો

રાજુ શ્રીવાસ્તવ તેમની ક્લીન કોમેડી (Raju Srivastav Comedy) માટે જાણીતા હતા. એકસમયે માત્ર જોકર સર્કસમાં જ હસાવે તેવી પરંપરાને તોડી નેરાજુ 90ના દાયકામાં લખનૌ દૂરદર્શનના સૌથી મોટા સ્ટાર હતા. રોજિંદા મુશ્કેલીઓ સાથે સંઘર્ષ કરતા પાત્રોમાંથી રમૂજ શોધવામાં તેમનાથી શ્રેષ્ઠ કોઈ નહોતું. તેમણે કવિ સંમેલન અને મિમિક્રીના પંડાલમાંથી રમૂજ અને વ્યંગ્યને સ્ટેન્ડઅપ કોમેડીના સ્ટેજ પર રજૂ કર્યું અને હિન્દી ભાષાના પ્રથમ સ્ટેન્ડ-અપ કોમેડિયન બન્યા. પોતાની ક્લીન કોમેડીથી દરેકના ચહેરા પર હાસ્યલાવનાર અને આપણા પ્રિય 'ગજોધર ભૈયા'(Gjodhar bhiya ) રાજુ શ્રીવાસ્તવે તેની જોરદાર કોમેડી અને મિમિક્રીથી લાખો ચાહકોની વાહવાહીની કમાણી કરી હતી. જે ખુદ અમિતાભ બચ્ચને(Amitabh Bachman) બચ્ચનના જ અવાજથી ખડફટાટ હસાવી શકતા અને પણ તેમની મિમિક્રી સાંભળીને બચ્ચનની આંખો ભીની પણ થતી. આજે તેઓ હંમેશા માટે આપણાથી દૂર થઇ ગયાં છે, ત્યારે આજે ગુજરાત ફર્સ્ટ આ પડદાના દિગ્ગજ કલાકારને હાંસ્યાજલિ આપી રહ્યું છે. જુઓ રાજુ શ્રીવાસ્તવના બેસ્ટ કોમેડી વિડીયો જુઓ:

પોતાની કોમેડીથી બધાને હસાવનાર રાજુ શ્રીવાસ્તવે બધાને રડાવીને આ દુનિયા છોડી દીધી. 10 ઓગસ્ટથી દિલ્હીની AIIMSમાં કોમામાં સરી પડેલા રાજુ શ્રીવાસ્તવના ઘરે પાછા ફરવાની બધા રાહ જોઈ રહ્યા હતા. પરંતુ આજે  તેમણે બધાને છોડીને આ દુનિયાને અલવિદા કહી દીધી છે. રાજુ શ્રીવાસ્તવનું 21 સપ્ટેમ્બરે 58 વર્ષની વયે નિધન થયું હતું. AIIMSએ સવારે 10.20 વાગ્યે રાજુને મૃત જાહેર કર્યા છે. રાજુ શ્રીવાસ્તવ તેમની સ્વચ્છ કોમેડી અને અદભૂત રમૂજ માટે જાણીતા હતા. તેનું 'ગજોધર ભૈયા'નું પાત્ર ખૂબ જ હિટ રહ્યું હતું. 

રાજુ શ્રીવાસ્તવ પણ એક અદ્ભુત મિમિક્રી આર્ટિસ્ટ હતા. તે અભિનેતા અમિતાભ બચ્ચનની જબરદસ્ત મિમિક્રી કરતા હતા. જ્યારે રાજુ શ્રીવાસ્તવે અમિતાભ બચ્ચનનો અવાજ કાઢ્યો ત્યારે એવું લાગતું હતું કે જાણે અમિતાભ પોતેજ બોલતા હોય. અમિતાભ બચ્ચન પોતે પણ રાજુ શ્રીવાસ્તવની કોમેડી અને મિમિક્રીના ચાહક હતા. એકવાર એક સ્ટેજ શો માં બીગ બી પણ રાજુશ્રીવાસ્તવની કોમેડી માણી રહ્યાં હતાં. ત્યારે તેમણે એક રસપ્રદ કિસ્સો શેર કર્યો હતો તેમણે ઇન્ટરવ્યુમાં  કહ્યું કે હું જ્યારે સ્કૂલમાં હતો ત્યારે સ્કૂલ બંક કરી થિયટરમાં બીગ-બીની ફિલ્મો જોવાં જતો. એક દિવસ મારી માતાને ખબર પડી તો તેમણે મને થિયેટરમાં રંગેહાથ પકડ્યો અને ખૂબ ધમકાવ્યો, ત્યારે મારી માતાના શબ્દો હતાં કે ,તું ભણવાનું છોડીને બચ્ચનને જોવાં જાય છે તો શું તારું ઘર 'બચ્ચન' ચાલવશે? જુઓ આજે મારું ઘર 'બચ્ચન'ના કારણે જ ચાલે છે. હમણાં પણ જ્યારે રાજુ શ્રીવાસ્તવ દિલ્હીની AIIMSમાં બેભાન હતા અને જવાબ આપી રહ્યાં ન હતા ત્યારે અમિતાભ બચ્ચને તેમને એક ઓડિયો સંદેશ મોકલ્યો હતો. એક જ ઓડિયો મેસેજ વારંવાર વગાડવામાં આવી રહ્યો હતો જેથી રાજુ શ્રીવાસ્તવના શરીરમાં થોડી હલચલ જોવા મળી. પરંતુ લાખો પ્રયાસો છતાં રાજુ શ્રીવાસ્તવને બચાવી શકાયા ન હતા. 

રાજુ શ્રીવાસ્તવના પરિવાર(Raju Srivastav Family)માં પત્ની શિખા, પુત્રી અતંરા અને પુત્ર આયુષ્યમાન છે. રાજુ શ્રીવાસ્તવે પત્ની શિખા સાથે 'નચ બલિયે' ડાન્સ કોમ્પિટિશનમાં ભાગ લીધો હતો. તે સમયે બંનેની બોન્ડિંગ અને ડાન્સે ઘણી ચર્ચા જગાવી હતી. જ્યારે રાજુ શ્રીવાસ્તવે કોમેડીની દુનિયામાં પોતાનું નામ બનાવ્યું, ત્યારે તેમની પુત્રી અંતરા શ્રીવાસ્તવે ફિલ્મ નિર્માણમાં પોતાની કારકિર્દી બનાવી છે. જો કે અંતરા શ્રીવાસ્તવે બાળપણમાં આવું પરાક્રમ કર્યું હતું, જેના કારણે તેને બહાદુરી માટે પણ સન્માનિત કરવામાં આવી હતી. લગભગ 16-17 વર્ષ પહેલા રાજુ શ્રીવાસ્તવે એક ઈન્ટરવ્યુમાં આ વિશે જણાવ્યું હતું. રાજુ શ્રીવાસ્તવે જણાવ્યું હતું કે એક વખત જ્યારે તેઓ શો માટે વિદેશ ગયા હતા ત્યારે એક રાત્રે કેટલાક બદમાશો ઘરમાં ઘૂસી આવ્યા હતા. તે સમયે તેમની નાની પુત્રીએ બહાદુરી બતાવતા બદમાશોનો હિંમતભેર સામનો કર્યો હતો. અંતરા શ્રીવાસ્તવે પણ બે બદમાશોને પકડવામાં મદદ કરી હતી. રાજુ શ્રીવાસ્તવનો પુત્ર આયુષ્માન સિતાર વાદક છે. 

બદમાશોએ રાજુ શ્રીવાસ્તવની પત્ની શિખા પાસે પાણી માંગ્યું અને પછી તેને એક રૂમમાં બંધ કરી દીધી. તે જ સમયે, રાજુ શ્રીવાસ્તવની પુત્રી અંતરા તે જ રૂમમાં હતી. બદમાશોનો અવાજ સાંભળીને તે મદદ માટે બૂમો પાડવા લાગી, જેના કારણે તે ડરી ગઈ. જેમાં બે બદમાશો ઝડપાયા હતા. આ બહાદુરી માટે રાજુ શ્રીવાસ્તવની પુત્રીને 2006માં નેશનલ બ્રુઅરી એવોર્ડ માટે પસંદ કરવામાં આવી હતી. અંતરા શ્રીવાસ્તવ માત્ર ફિલ્મ નિર્માતા જ નહીં પરંતુ અભિનેત્રી પણ છે.

કોમેડીથી લોકોના ચહેરા પર હાસ્ય લાવનાર રાજુ શ્રીવાસ્તવ અવારનવાર પોતાના નિવેદનોને કારણે હેડલાઇન્સમાં રહેતા હતા. જ્યારે રાજુ શ્રીવાસ્તવ પોતાની કોમેડી અને નિવેદનોથી સતત લાઈમલાઈટમાં રહ્યા હતા,  જો કે તેમનો પરિવાર હંમેશી લાઇમલાઇટથી દૂર રહ્યો હતો. રાજુ શ્રીવાસ્તવની પત્ની ભલે એક રિયાલિટી શોમાં જોવા મળી હતી, પરંતુ તેણે પોતાની જાતને ઈન્ડસ્ટ્રીની ચમકથી દૂર રાખી હતી. 

 

આ પણ વાંચો- કોમેડી કિંગ રાજુ શ્રીવાસ્તવ જીવનની જંગ હાર્યા, બોલિવૂડમાં શોકની લહેર