શ્રીલંકાની ખરાબ પરિસ્થિતિ પર ભૂતપૂર્વ ક્રિકેટર જયસુર્યાને આવ્યો ગુસ્સો, કહ્યું- રાજનેતાઓએ દેશની...

શ્રીલંકા આજે તેના સૌથી ખરાબ સમયથી પસાર થઇ રહ્યું છે ત્યારે તેના રાષ્ટ્રપતિ વનત છોડી માલદીવ ભાગી ગયા છે. જયસુર્યાએ આ અંગે કહ્યું, રાષ્ટ્રપતિ ગોટાબાયા રાજપક્ષેની નબળી આર્થિક નીતિઓનો માર દેશ ભોગવી રહ્યો છે. તે માલદીવ ભાગી ગયા છે અને તેમના સત્તાવાર નિવાસસ્થાન પર સામાન્ય લોકોનો કબજો થઇ ગયો છે. જયસુર્યાએ કહ્યું કે, આ બધુ દુર્ભાગ્યપૂર્ણ છે. ગોટાબાયા 13 જુલાઈના રોજ રાજીનામું આપે તેવી શક્યતા હતી. આપણા રાજકારણીઓએ જે રીતે દેશને બરબાદ કર્યો છે તેનું વર્ણન કરવા માટે કોઈ શબ્દો નથી. જયસુર્યાએ કહ્યું કે, જો તમે મને આ સમયે રાષ્ટ્રપતિ ભવનની અંદર હાજર લોકો વિશે પૂછો તો મને તેમના વિરોધમાં કોઇ ખરાબી જોવા મળતી નથી. તેઓએ શાંતિપૂર્ણ વિરોધ કર્યો છે. તેમને વારંવાર જાહેર સંપત્તિને નુકસાન ન કરવા માટે કહેવામાં આવ્યું હતું. રાષ્ટ્રપતિના રાજીનામાની માંગ સાથે શ્રીલંકાના જુદા જુદા ભાગોમાંથી 9 જુલાઈએ લોકો અહીં એકઠા થયા હતા.