પૂર્વ ક્રિકેટર અરુણ લાલ 66 વર્ષની ઉંમરે બીજી વાર વરરાજા બનશે, નવી દુલ્હન બુલબુલ 28 વર્ષ નાની

ભારતના પૂર્વ ક્રિકેટર અરુણ
લાલ 66 વર્ષની ઉંમરે ફરી લગ્ન
કરવા જઈ રહ્યા છે. તેની ભાવિ પત્નીનું નામ બુલબુલ સાહા છે જે વ્યવસાયે શિક્ષક છે.
તેની ઉંમર 38 વર્ષ છે અને તે અરુણ કરતા 28 વર્ષ નાની છે. બંને
એકબીજાને લાંબા સમયથી ઓળખે છે. અરુણના લગ્નને લગતું એક કાર્ડ સોશિયલ મીડિયા પર
વાયરલ થઈ રહ્યું છે. જે મુજબ તે 2 મેના રોજ કોલકાતાની એક હોટલમાં બુલબુલને પોતાની
જીવનસાથી બનાવશે. લગ્ન બાદ બંને તરફથી મોટું રિસેપ્શન પણ આપવામાં આવશે. અરુણ
હાલમાં બંગાળની રણજી ટીમનો કોચ છે.

અરુણ લાલે પહેલા રીના સાથે
લગ્ન કર્યા હતા અને બંનેએ તેમની સંમતિ બાદ છૂટાછેડા લીધા હતા. ભૂતપૂર્વ ભારતીય
ક્રિકેટરે આ લગ્ન માટે તેની પ્રથમ પત્નીની મંજૂરી પણ લીધી છે અને તેમની સંમતિ પછી
જ બુલબુલ સાથે લગ્ન કરવાનો નિર્ણય લીધો છે. લાલના લગ્નનું કાર્ડ સોશિયલ મીડિયા પર
વાયરલ થઈ રહ્યું છે, જેના કારણે જાણવા મળ્યું છે કે બંને 2 મેના રોજ લગ્ન કરવાના છે.
આ સમગ્ર કાર્યક્રમ કોલકાતાની એક હોટલમાં યોજાશે. મળતી માહિતી મુજબ અરુણ લાલે
એક મહિના પહેલા 38 વર્ષીય બુલબુલ સાથે સગાઈ
કરી હતી અને હવે બંને લગ્ન કરવા જઈ રહ્યા છે. લાલે તેની પહેલી પત્ની રીનાથી
છૂટાછેડા લીધા છે. પરંતુ તેની તબિયત ખરાબ હોવાને કારણે તે તેની સાથે
થોડો સમય રહેતો હતો. એવી માહિતી પણ સામે આવી રહી છે કે લગ્ન બાદ અરુણ લાલ અને
બુલબુલ બીમાર રીનાની પણ સંભાળ લેશે. ક્રિકેટ એસોસિએશન ઓફ બંગાળના પદાધિકારીઓ
ઉપરાંત બંગાળની ટીમના ખેલાડીઓ પણ તેમના લગ્નમાં હાજરી આપશે.

અરુણનો જન્મ 1 ઓગસ્ટ 1955ના રોજ ઉત્તર પ્રદેશના મુરાદાબાદમાં થયો હતો. તેણે ભારત માટે 16 ટેસ્ટ અને 13 વનડે રમી હતી. જેમાં તેણે 729 અને 122 રન બનાવ્યા હતા. અરુણ આંતરરાષ્ટ્રીય ક્રિકેટમાં
સદી ફટકારી શક્યો ન હતો. તેણે ફર્સ્ટ ક્લાસમાં 156 મેચ રમી હતી. જેમાં તેણે 30 સદી ફટકારીને કુલ 10421 રન બનાવ્યા હતા. તેમના પિતા, કાકા અને પિતરાઈ ભાઈઓ પણ
રણજી ટ્રોફી રમ્યા હતા. અરુણને 6 વર્ષ પહેલા કેન્સર હોવાનું નિદાન થયું હતું. એટલા માટે તેણે
કોમેન્ટ્રી છોડી દીધી. આમાંથી સ્વસ્થ થયા બાદ તે ફરી મેદાનમાં આવ્યા હતા. અને કોચ
તરીકે ફરજ બજાવી રહ્યા છે. અરુણ લાલના કોચિંગ હેઠળ બંગાળની ટીમના પ્રદર્શનમાં ઘણો
સુધારો થયો અને ટીમ 13 વર્ષ બાદ રણજી ટ્રોફીની ફાઈનલ રમી. આ વર્ષે પણ ટીમ નોકઆઉટ સ્ટેજ માટે
ક્વોલિફાય થઈ હતી.