કોંગ્રેસ પૂર્વ અધ્યક્ષ સોનિયા ગાંધી દિલ્હીની સર ગંગારામ હોસ્પિટલમાં એડમિટ

સોનિયા ગાંધી દિલ્હીની હોસ્પિટલમાં એડમિટ 

કોંગ્રેસના પૂર્વ અધ્યક્ષ સોનિયા ગાંધી રુટિન ચેકઅપ માટે હોસ્પિટલમાં ભરતી કરાયા છે. આ સમયે સોનિયા ગાંધીની સાથે પ્રિયંકા ગાંધી પણ વાડ્રા પણ સાથે હતા. સૂત્રો તરફથી મળતી માહિતી મુજબ સોનિયા ગાંધીને અચાનક શ્વાસ લેવામાં તકલીફ પડી હતી, તેમજ તેમની તબિયત મંગળવારથી ખરાબ હોવાની વિગતો છે જેના કારણે રાહુલ ગાંધી અને પ્રિયંકા ગાંધી ઉત્તર પ્રદેશમાં ભારત જોડો યાત્રાને પ્રવેશ કરાવી અધૂરી મુકીને દિલ્હી પરત ફર્યા હતા.

આ અગાઉ જૂનમાં કરાયા હતા ભર્તી

સોનિયા ગાંધીની તબિયત ખરાબ થતા કોંગ્રેસની ચાલી રહેલ ભારત જોડો યાત્રા આજે સવારે બાગપતના મવીકલાથી ફરી શરુ થઈ હતી. જેમાં રાહુલ ગાંધી સામેલ થયા હતા પણ પ્રિયંકા ગાંધી યાત્રામાં જોવા મળ્યા ન હતા. સોનિયા ગાંધી તેમની તબિયતને લઈને અવાર નવાર ચેકઅપ કરાવતા રહે છે. ત્યારે જૂન મહિનામાં જ તેમને હોસ્પિટલાઈઝ કરાયા હતા. જે અગાઉ પણ સોનિયા ગાંધીને બે વાર કોરોના થયો હતો.પ્રિયંકા ગાંધી પોતાની માતા સોનિયા ગાંધીની દેખરેખ કરી રહ્યા છે, જેના કારણે પ્રિયંકા ગાંધી ભારત જોડો યાત્રામાં નહી જોડાય ત્યારે છેલ્લે તેઓ તેમના ભાઈ રાહુલ સાથે યૂપી ભારત જોડો યાત્રામાં જોવા મળ્યા હતા.