વન વિભાગ દ્વારા  આડેસર પાસેના રણ વિસ્તારમાં મીઠાના  ઉત્પાદન માટે ચાલતી કામગીરીને અટકાવી સાધન સામગ્રી સાથે રૂપિયા 77 લાખ 89 હજારનો મુદામાલ કબ્જે કરાયો છે, અને કાયદેસરની કાર્યવાહી હાથ ધરવામાં આવી છે. લાખો એકર જમીન ધરાવતા કચ્છના નાના રણમાં જંગલી ગધેડાના બચાવ માટે ઘુડખર અભયારણ્ય અમલમાં છે, છતાં ઘણા વર્ષોથી પ્રતિબંધિત સ્થળે બેરોકટોક મીઠાના અગરો બની ગયા છે. મીઠું પકવવા અંદાજિત 20 ફૂટ મોટા પાળાઓ ખડકાઈ ગયા છે. જ્યાં એકથી દોઢ ફૂટ પહોળી પાઇપ લાઈન મારફતે 25-25 કિલોમીટરના અંતરેથી ખારું પાણી ખેંચી ઠલવાઇ રહ્યું છે. આ પ્રકારના તો અસંખ્ય એકમો ધમધમી રહ્યા છે, જેને દૂર કરવા સંબધિત તંત્ર માટે મુશ્કેલ અને અશક્ય છે.

કચ્છના નાના રણ વિસ્તારમાં મીઠા અગરોનો પગપેસારો પ્રતિવર્ષ વધી રહ્યો છે.  ઘુડખર અભયારણ્ય બચાવ અંતર્ગત અમુક લોકો દ્વારા અંગત હિત માટે વિરોધ પણ કરવામાં આવતો રહ્યો છે. જ્યાં તાજેતરમાં આજ પ્રકારના વિરોધ દરમિયાન કાનમેર નજીકના રણ વિસ્તારમાં બન્ને જૂથના લોકો હથિયારો સાથે સામસામે આવી ગયા હતા. જોકે સદભાગ્યે આ કિસ્સામાં કોઈજ અનિચ્છનીય ઘટના બની ન હતી. પરંતુ વર્ષોથી ચાલતી દબાણ પ્રવૃતિ સામે ઘટનાના ત્રણ દિવસ બાદ વન વિભાગ દ્વારા અચાનક કાર્યવાહી હાથ ધરવામાં આવી છે.

આ પણ વાંચોઃ